Skipulagsnefnd

Lilja Filippusdóttir frá Gylfa Guðjónssyni og félögum mætti á fundinn og kynnti tillögu að deiliskipulagi Hvannavallareits. Einnig voru kynntar hugmyndir Odds Víðissonar að uppbyggingu norðurhluta reitsins.

Katrín Björg Ríkharðsdóttir kom á fundinn og kynnti kynjaða fjárhagsáætlanagerð.

Skipulagsstjóri kynnti stöðuna á rekstri skipulagsdeildar fyrstu tvo mánuði ársins 2016.

Skipulagsstjóri lagði fram til kynningar ársskýrslu skipulagsdeildar fyrir árið 2015 ásamt yfirliti yfir byggingaframkvæmdir ársins 2015.

Skipulagsstjóri kynnti til umræðu og umfjöllunar fyrstu hugmyndir um markmið aðalskipulagsins.

Tillaga að deiliskipulagsbreytingu var auglýst frá 22. desember 2015 með athugasemdafresti til 3. febrúar 2016. Auglýsingar birtust í Lögbirtingablaði og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.

Íbúafundur var haldinn þann 28. janúar 2016 þar sem tillaga að skipulaginu var kynnt almenningi.

Ein athugasemd barst:

1) Miðbæjarsamtökin á Akureyri, dagsett 29. janúar 2016.

Alfarið er lagst gegn því að bílastæðum í miðbænum fækki frá því sem nú er. Ekki hugnast þeim að stækka bílastæðin neðan við Samkomuhúsið til að koma til móts við bílastæðaþörf. Ef þessi tillaga verður samþykkt þá er komið fordæmi fyrir að sleppa, eða minnka verulega fjölda bílastæða á reitnum austan Skipagötu. Það geta rekstraraðilar í miðbæ Akureyrar aldrei sætt sig við.

Ein umsögn barst:

1) Norðurorka, dagsett 5. febrúar 2016.

Engin athugasemd er gerð.


Helgi Snæbjarnarson L-lista bar upp vanhæfi sitt í þessu máli og var það samþykkt. Vék hann af fundi við umræður og afgreiðslu málsins.

Skipulagsstjóri greindi frá umræðum í undirbúningshópi fyrir samgöngumiðstöð. Á fundinn kom Jónas Valdimarsson frá framkvæmdadeild og gerði grein fyrir rýmisþörf vegna umferðarmannvirkja tengdum samgöngumiðstöðinni.

Skipulagsstjóri leggur til að auglýstar verði lóðir til bygginga íbúðahúsa á Norður-Brekku sem eru byggingarhæfar. Um er að ræða lóð nr. 2 við Híðargötu og 126 við Þórunnarstræti.

SS Byggir ehf., kt. 620687-2519, sækir um að fá að skila inn breyttri útgáfu af deiliskipulagi á reit númer 1 í Hagahverfi með úthlutun umræddra lóða í huga. Í breytingartillögunni verði leitast við að halda ásýnd svæðis, fjölda íbúða þess og uppfylla önnur markmið upphaflegs deiliskipulags.

Formaður gerði grein fyrir viðræðum við umsækjanda en erindinu var frestað á fundi skipulagsnefndar þann 24. febrúar 2016.

Erindi dagsett 2. febrúar 2016 þar sem Jón Páll Tryggvason f.h. BE Húsbygginga ehf., kt. 490398-2529, sækir um lóð nr. 2 við Davíðshaga. Meðfylgjandi er staðfesting viðskiptabanka.

Skipulagsstjóri gerði grein fyrir viðræðum við umsækjanda en erindinu var frestað á fundi skipulagsnefndar þann 24. febrúar 2016.

Erindi dagsett 2. febrúar 2016 þar sem Jón Páll Tryggvason f.h. BE Húsbygginga ehf., kt. 490398-2529, sækir um lóð nr. 4 við Davíðshaga. Meðfylgjandi er staðfesting viðskiptabanka.

Skipulagsstjóri gerði grein fyrir viðræðum við umsækjanda en erindinu var frestað á fundi skipulagsnefndar þann 24. febrúar 2016.

Erindi dagsett 12. febrúar 2016 þar sem Jón Páll Tryggvason f.h. B.E Húsbygginga ehf., kt. 490398-2529, sækir um lóð nr. 12 við Davíðshaga. Meðfylgjandi er staðfesting viðskiptabanka.

Erindi dagsett 16. febrúar 2016 þar sem Ingólfur Guðmundsson f.h. Hölds ehf., kt. 651175-0239, sækir um byggingarleyfi fyrir viðbyggingu ofan á húsið nr. 12 við Tryggvabraut. Meðfylgjandi er teikning.

Erindið var sent í grenndarkynningu þann 19. febrúar 2016 í samræmi við bókun skipulagsnefndar 10. febrúar 2016. Grenndarkynningunni lauk þann 1. mars 2016 þar sem allir sem hana fengu hafa svarað og gera ekki athugasemdir við viðbygginguna.

Erindi dagsett 29. febrúar 2016 þar sem Þorgeir Jóhannesson f.h. Dekkjahallarinnar ehf., kt. 520385-0109, sækir um leyfi til breytingar á deiliskipulagi lóðarinnar vegna viðbyggingar við húsið nr. 5 við Draupnisgötu. Meðfylgjandi eru teikningar eftir Þröst Sigurðsson sem sýna fyrirhugaða viðbyggingu.

Erindi dagsett 2. mars 2016 þar sem Ingólfur Guðmundsson f.h. Styrks sf., kt. 530697-2909, sækir um breytingu á deiliskipulagi vegna byggingar bílskúrs á lóð nr. 36 við Oddeyrargötu. Meðfylgjandi er teikning.

Erindi dagsett 25. febrúar 2016 þar sem Arnar Þór Jónsson spyrst fyrir um hvort leyfi fengist til að breyta bílskúr við Þingvallastræti 25 í íbúðarrými og loka bili milli húss og bílgeymslu með glerbyggingu. Lögð var fram umsögn skipulagsstjóra um erindið.

Erindi dagsett 2. febrúar 2016 þar sem Guðrún Dóra Clarke og Sveinn Ríkharður Jóelsson sækja um viðbyggingu við Kotárgerði 5. Meðfylgjandi eru teikningar og innkomnar teikningar af garðskála 22. febrúar 2016.

Á fundi sínum þann 18. febrúar 2016 vísaði bæjarráð til skipulagsdeildar 6. lið úr fundargerð viðtalstíma bæjarfulltrúa dagsett 11. febrúar 2016.

Liður 6 úr fundargerð, Rimasíða - opna götuna yfir í Austursíðu:

Sigríður Lovísa Björnsdóttir mætti í viðtalstíma bæjarfulltrúa til að ræða hvort það sé möguleiki að opna Rimasíðuna yfir í Austursíðu.

Íbúar í Reykjasíðu hafa farið í þrígang og borið út miða í raðhúsin í Rimasíðunni og bent á að Reykjasíðan sé 30 km gata. Sigríður vill meina að það séu íbúar Rimasíðunnar sem keyri hratt og glannalega í gegnum götuna til að komast í Rimasíðuna. Gangstéttir jafnvel ekki ruddar vegna snjómagns og krakkarnir ganga þá á götunni og bílarnir keyra jafnvel á 70 km hraða. Vill að opnað verði frá Rimasíðu yfir í Austursíðu. Gerir sér grein fyrir að þarna er spennistöð fyrir þannig að erfitt er að opna þetta beint. En vill að það sé skoðað hvort ekki sé hægt að fara aðeins framhjá spennistöðinni. Plássið er ekki mikið en spurning hvort hægt sé að gera smá leið sem væri aðeins fyrir íbúana en ekki endilega opinber vegur. Engar hraðahindranir eða þrengingar eru í götunni.

Erindi dagsett 2. mars 2016 þar sem Magni R. Magnússon sendir inn fyrirspurn um hvort fengist að gera íbúð í hluta gamalla útihúsa að Naustum 2.

Erindi afhent bæjarstjóra 15. febrúar 2016 þar sem Markus Meckl sendir inn undirskriftalista vegna gangbrauta og aðgengis gangandi vegfarenda í Norðurgötu og Glerárgötu sunnan Grænugötu.

Erindi dagsett 3. mars 2016 frá Árna Árnasyni þar sem hann fyrir hönd eiganda efstu hæða Hafnarstrætis 97, Viðhalds og Nýsmíða ehf., kt. 431194-2879, óskar eftir afstöðu skipulagsnefndar um breytingu á Hafnarstræti 97. Breytingin felst í því að byggð yrði ein hæð ofan á núverandi byggingu.

Erindi dagsett 3. júlí 2015 þar em Egill Guðmundsson f.h. Eikar fasteignafélags hf., kt. 590902-3730, óskar eftir samstarfi við Akureyrarbæ vegna uppbyggingar á lóð nr. 6-8 við Gleráreyrar.

Skipulagsnefnd fól formanni skipulagsnefndar og skipulagsstjóra að ræða við umsækjanda um breytta notkun á svæðinu á fundi sínum 8. júlí og 28. október 2015. Skipulagsnefnd frestaði erindinu á fundi 27. janúar 2016. Meðfylgjandi er tillaga að byggingum á svæðinu.

Fundargerð dagsett 18. febrúar 2016. Lögð var fram fundargerð 574. fundar með fullnaðarafgreiðslum erinda. Fundargerðin er í 6 liðum.

Fundargerð dagsett 26. febrúar 2016. Lögð var fram fundargerð 575. fundar með fullnaðarafgreiðslum erinda. Fundargerðin er í 12 liðum.

Erindi dagsett 7. mars 2016 þar sem Sigurður Sigurðsson f.h. SS Byggis ehf., kt. 620687-2519, sækir um lóð nr. 2 við Davíðshaga. Meðfylgjandi er staðfesting viðskiptabanka.

Erindi dagsett 7. mars 2016 þar sem Sigurður Sigurðsson f.h. SS Byggis ehf., kt. 620687-2519, sækir um lóð nr. 4 við Davíðshaga. Meðfylgjandi er staðfesting viðskiptabanka.

Erindi dagsett 16. janúar 2016 þar sem Tómas Björn Hauksson f.h. framkvæmdardeildar sækir um framkvæmdarleyfi fyrir landfyllingu við Torfunef. Meðfylgjandi eru teikningar.

Í umsögn Minjastofnunar Íslands, dagsettri 7. mars 2016, eru ekki gerðar athugasemdir við fyrirhugaða framkvæmd en vakin er athygli á lögum um menningarminjar þar sem segir að finnist áður ókunnar fornminjar skuli stöðva framkvæmd án tafar.

Erindi dagsett 23. febrúar 2016 þar sem Ingólfur Guðmundsson f.h. Þ. Arnórsson ehf., kt. 650602-3230, sækir um breytingar á efri hæð hússins Hólabraut 13 og bílastæði fyrir fatlaða vestan hússins með aðkomu frá Oddeyrargötu. Meðfylgjandi eru teikningar eftir Loga Má Einarsson innkomnar 7. mars 2016.