Norður Brekka, neðri hluti - skipulagslýsing

Skipulagsstjóri lagði fram skipulagslýsingu vegna deiliskipulags Norður Brekku, neðri hluta.
Tillagan er unnin af Ómari Ívarssyni frá Landslagi ehf. sem kom á fundinn og kynnti lýsinguna.

2. liður í fundargerð skipulagsnefndar dags. 9. apríl 2014:
Skipulagsstjóri lagði fram skipulagslýsingu vegna deiliskipulags Norður Brekku, neðri hluta.
Tillagan er unnin af Ómari Ívarssyni frá Landslagi ehf sem kom á fundinn og kynnti lýsinguna.
Skipulagsnefnd þakkar Ómari Ívarssyni fyrir kynninguna.
Skipulagsnefnd leggur til við bæjarstjórn að skipulagslýsingin verði kynnt almenningi og leitað verði umsagnar Skipulagsstofnunar og annarra umsagnaraðila um hana.

Skipulagslýsing fyrir deiliskipulag Norður - Brekku, neðri hluta, var auglýst í Dagskránni 24. apríl 2014. Gögnin voru aðgengileg á heimasíðu skipulagsdeildar og í þjónustuanddyri Ráðhúss Akureyrar.
Óskað var eftir umsögnum frá fimm hagsmunaaðilum um lýsinguna og bárust þrjár umsagnir.
1) Vegagerðin, dagsett 8. maí 2014. Engar athugasemdir eru gerðar.
2) Skipulagsstofnun, dagsett 13. maí 2014. Engar athugasemdir eru gerðar.
3) Minjastofnun Íslands, dagsett 30. júní 2014. Engar athugasemdir eru gerðar en bent á að gera skuli húsa- og mannvirkjakönnun.

Skipulagstjóri lagði fram tillögu að deiliskipulagi Norður - Brekku, neðri hluta, dagsetta 24. september 2014. Með tillögunni fylgir greinargerð og húsakönnun fyrir svæðið, dagsett 24. september 2014.
Tillagan er unnin af Ómari og Ingvari Ívarssonum frá Landslagi ehf, sem kynntu tillöguna.

Skipulagstjóri lagði fram tillögu að deiliskipulagi Norður-Brekku, neðri hluta, dagsetta 24. september 2014. Með tillögunni fylgir greinargerð og húsakönnun fyrir svæðið, dagsett 24. september 2014.
Tillagan er unnin af Ómari og Ingvari Ívarssonum frá Landslagi ehf.
Haldinn var íbúafundur þann 5. nóvember 2014 í ráðhúsi Akureyrar þar sem tillagan var kynnt. Ýmsar tillögur komu fram á fundinum sem höfundar skipulagsins kynntu.

Skipulagsstjóri lagði fram tillögu að deiliskipulagi "Norður-Brekku, neðri hluta". Tillagan er unnin af Ómari og Ingvari Ívarssonum hjá Landslagi ehf., dagsett 10. desember 2014.
Haldinn var íbúafundur í Ráðhúsi Akureyrar 5. nóvember 2014 þar sem deiliskipulagstillagan var kynnt. Einnig var haldinn fundur með hverfisnefnd Brekku og Innbæjar 3. desember 2014 og farið yfir þær breytingar sem gerðar voru á tillögunni eftir íbúafundinn.

Skipulagslýsing fyrir deiliskipulag "Norður-Brekku, neðri hluta", var auglýst í Dagskránni 24. apríl 2014. Gögnin voru aðgengileg á heimasíðu skipulagsdeildar og í þjónustuanddyri Ráðhúss Akureyrar.

Óskað var eftir umsögnum um lýsinguna frá fimm hagsmunaaðilum og bárust þrjár umsagnir:

1) Vegagerðin, dagsett 8. maí 2014. Engar athugasemdir voru gerðar.

2) Skipulagsstofnun, dagsett 13. maí 2014. Engar athugasemdir voru gerðar.

3) Minjastofnun Íslands, dagsett 30. júní 2014. Engar athugasemdir voru gerðar en bent á að gera skuli húsa- og mannvirkjakönnun.


Haldinn var íbúafundur í Ráðhúsi Akureyrar 5. nóvember 2014 þar sem deiliskipulagstillagan var kynnt. Í framhaldi af honum bárust tvær athugasemdir frá Helga Jóhannessyni og Þóroddi Bjarnasyni/Brynhildi Þórarinsdóttur. Einnig var haldinn fundur með hverfisnefnd Brekku og Innbæjar 3. desember 2014 og farið yfir þær breytingar sem gerðar voru á tillögunni eftir íbúafundinn.


Skipulagsstjóri lagði fram tillögu að deiliskipulagi "Norður-Brekku, neðri hluta". Tillagan er unnin af Ómari og Ingvari Ívarssonum hjá Landslagi ehf., dagsett 14. janúar 2015. Einnig fylgir húsakönnun sem unnin er af Árna Ólafssyni arkitekt hjá Teiknistofu Arkitekta, Gylfa Guðjónssyni og félögum.

1. liður í fundargerð skipulagsnefndar dagsett 28. janúar 2015: Skipulagslýsing fyrir deiliskipulag "Norður-Brekku, neðri hluta", var auglýst í Dagskránni 24. apríl 2014. Gögnin voru aðgengileg á heimasíðu skipulagsdeildar og í þjónustuanddyri Ráðhúss Akureyrar.
Óskað var eftir umsögnum um lýsinguna frá fimm hagsmunaaðilum og bárust þrjár umsagnir:
1) Vegagerðin, dagsett 8. maí 2014. Engar athugasemdir voru gerðar.
2) Skipulagsstofnun, dagsett 13. maí 2014. Engar athugasemdir voru gerðar.
3) Minjastofnun Íslands, dagsett 30. júní 2014. Engar athugasemdir voru gerðar en bent á að gera skuli húsa- og mannvirkjakönnun.

Haldinn var íbúafundur í Ráðhúsi Akureyrar 5. nóvember 2014 þar sem deiliskipulagstillagan var kynnt. Í framhaldi af honum bárust tvær athugasemdir frá Helga Jóhannessyni og Þóroddi Bjarnasyni/Brynhildi Þórarinsdóttur. Einnig var haldinn fundur með hverfisnefnd Brekku og Innbæjar 3. desember 2014 og farið yfir þær breytingar sem gerðar voru á tillögunni eftir íbúafundinn.

Skipulagsstjóri lagði fram tillögu að deiliskipulagi "Norður-Brekku, neðri hluta". Tillagan er unnin af Ómari og Ingvari Ívarssonum hjá Landslagi ehf., dagsett 14. janúar 2015. Einnig fylgir húsakönnun sem unnin er af Árna Ólafssyni arkitekt hjá Teiknistofu Arkitekta, Gylfa Guðjónssyni og félögum.
Svör við umsögnum við skipulagslýsingu:
1) Gefur ekki tilefni til ályktunar.
2) Gefur ekki tilefni til ályktunar.
3) Húsakönnun er gerð samhliða deiliskipulagi.
Athugasemdir sem bárust eftir íbúafund verða skráðar sem athugasemdir við skipulagstillöguna með öðrum athugasemdum sem berast eftir auglýsingu hennar og verður svarað að athugasemdafresti liðnum.

Skipulagsnefnd leggur til við bæjarstjórn að tillagan ásamt húsakönnun verði auglýst skv. 1. mgr. 41. gr. skipulagslaga nr. 123/2010.

Tillaga að deiliskipulagi Norður-Brekku, neðri hluta, var auglýst frá 11. febrúar með athugasemdafresti til 25. mars 2015. Auglýsingar birtust í Lögbirtingablaðinu og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar.

Fimm athugasemdir bárust:

1) Hverfisnefnd Brekku- og Innbæjar, dagsett 23. mars 2015.

Mat hverfisnefndarinnar er að gönguleið gegnum syðra útivistarsvæðið sé forsenda fyrir færslu leiksvæðisins sem nú er við Helgamagrastræti. Á meðan ekki er gönguleið í gegnum útivistarsvæðið er leiksvæðinu betur komið við Helgamagrastræti.

2) Undirskriftalisti með 45 undirskriftum, dagsettur 10. mars 2015.

Mótmælt er fyrirhugaðri byggingu á lóð Þórunnarstrætis 126. Samkvæmt kynningu sem fram fór fyrir byggingu leikskólans var talað um að svæðið ætti að verða viðbót við bílastæði leikskólans.

3) Tómas Björn Hauksson og Elín Auður Ólafsdóttir, dagsett 25. mars 2015.

a) Grenndarkynntir aðaluppdrættir vegna viðbyggingar í Þingvallastræti 10 sýndu fjarlægð frá lóðamörkum Lögbergsgötu 9 að byggingarreit upp á 5,1m. Í skipulagstillöguninni er fjarlægðin 4,27m og gerð er athugasemd við þá breytingu.

b) Gerð er athugasemd við að ekki sé gerð tillaga að mögulegum viðbyggingum á svæðinu. Óskað hefur verið eftir að tekið verði tillit til nýtingarhlutfalls á lóð Lögbergsgötu 9 með svipuðum hætti og samþykkt var í Þingvallastræti 10.

c) Ábendingar varðandi húsakönnun.

4) Tómas Björn Hauksson, dagsett 24. mars 2015.

Fyrirspurn um hvort búið sé að meta kostnað við að gera lóð við Helgamagrastræti 8 byggingarhæfa og útbúa nýtt leiksvæði á klöppinni.

5) Alda Þórðardóttir, dagsett 26. mars 2015.

Erindi úr viðtalstíma bæjarfulltrúa þar sem vakin er athygli á að þegar Hólmasól var byggð, var sagt að á lóðinni Þórunnarstræti 126 yrðu bílastæði vegna leikskólans. Einnig er bent á að Davíðshús er í næsta nágrenni og þangað sæki ferðamenn.


Í framhaldi af kynningarfundi 5. nóvember 2014 bárust tvær athugasemdir:

1) Helgi Jóhannesson, dagsett 17. desember 2014.

Mótmælt er áformum um að gera gangstétt í Munkaþverárstræti frá Bjarkarstíg að Helgamagrastræti, breyta bílastæðum og færa akrein bíla í vesturhluta götunnar. Nánari röksemdafærslur og myndir fylgja athugasemdinni.

2) Brynhildur Þórarinsdóttir og Þóroddur Bjarnason, dagsett 9. janúar 2015.

Ítrekaðar eru óskir íbúa um gangstétt við norðanverðan Hamarstíg og vísað er í undirskriftalista frá 2013.


Þrjár umsagnir bárust:

1) Vegagerðin, dagsett 3. mars 2015.

Engar athugasemdir eru gerðar.

2) Minjastofnun Íslands, dagsett 10. apríl 2015.

Engar athugasemdir eru gerðar. Óskað er eftir samvinnu þegar farið verður í að bæta aðgengi og setja upplýsingaskilti við minjar á Mylluklöpp.

3) Norðurorka, dagsett 13. apríl 2015.

Talið er að lagnakerfi sé nægjanlega öflugt til að fæða fyrirhugaðar nýbyggingar. Bent er á að kostnaður af færslu lagna fellur á þann sem breytinganna óskar.

Tillaga að deiliskipulagi Norður-Brekku, neðri hluta, var auglýst frá 11. febrúar með athugasemdafresti til 25. mars 2015. Auglýsingar birtust í Lögbirtingablaðinu og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar. Tillögunni eru gerð skil á skipulagsuppdrætti dagsettum 27. maí 2015 og í greinargerð dagsettri 27. maí 2015.

Einnig fylgir tillögunni húsakönnun, dagsett 16. apríl 2015.

Kostnaðarútreikningur framkvæmdadeildar vegna framkvæmda innan skipulagssvæðisins liggur fyrir.

Þrjár umsagnir og fimm athugasemdir bárust innan athugasemdartíma. Í framhaldi af kynningarfundi 5. nóvember 2014 bárust tvær athugasemdir.

Umsagnir og athugasemdir má sjá í fylgiskjali merktu "Norður-Brekka, athugasemdir og svör 27.5.2015".

1. liður í fundargerð skipulagsnefndar dagsett 27. maí 2015:

Tillaga að deiliskipulagi Norður-Brekku, neðri hluta, var auglýst frá 11. febrúar með athugasemdafresti til 25. mars 2015. Auglýsingar birtust í Lögbirtingablaðinu og Dagskránni. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar. Tillögunni eru gerð skil á skipulagsuppdrætti dagsettum 27. maí 2015 og í greinargerð dagsettri 27. maí 2015.

Einnig fylgir tillögunni húsakönnun, dagsett 16. apríl 2015.

Kostnaðarútreikningur framkvæmdadeildar vegna framkvæmda innan skipulagssvæðisins liggur fyrir.

Þrjár umsagnir og fimm athugasemdir bárust innan athugasemdatíma. Í framhaldi af kynningarfundi 5. nóvember 2014 bárust tvær athugasemdir.

Umsagnir og athugasemdir má sjá í fylgiskjali merktu 'Norður-Brekka, athugasemdir og svör 27.5.2015'.

Svör við umsögnum og athugasemdum eru í skjali merktu 'Norður-Brekka, athugasemdir og svör 27.5.2015'. Tekið er tillit til hluta athugasemda nr. 3 og nr. 7 og viðeigandi lagfæringar gerðar á skipulagsgögnum.

Skipulagsnefnd leggur til við bæjarstjórn að deiliskipulagstillagan þannig breytt verði samþykkt og skipulagsstjóra falið að annast gildistöku hennar.

Skipulagsstjóri leggur til að auglýstar verði lóðir til bygginga íbúðahúsa á Norður-Brekku sem eru byggingarhæfar. Um er að ræða lóð nr. 2 við Híðargötu og 126 við Þórunnarstræti.