Framkvæmdaáætlun UMSA 2025

Umhverfis- og mannvirkjaráð samþykkir framlagðar gjaldskrár fyrir sitt leyti fyrir árið 2025 og vísar þeim til bæjarráðs.

Umhverfis- og mannvirkjaráð samþykkir framlagðar gjaldskrár fyrir sitt leyti fyrir árið 2025 og vísar þeim til bæjarráðs.

Tillagan er borin upp til atkvæða og samþykkt með atkvæðum Ingimars Eydal B-lista og Unnars Jónssonar S-lista. Þórhallur Harðarson D-lista, Bjarney Sigurðardóttir M-lista og Hjálmar Pálsson L-lista sitja hjá.


Ólafur Kjartansson óskar bókað:

Þegar Hof var í byggingu var því slegið á frest að fullklára loftræstikerfið og rakajöfnunin ekki sett upp. Þetta hefur ítrekað valdið óþægindum, sérstaklega fyrir fólk sem er í þeirri stöðu að vera viðkvæmt fyrir of þurru andúmslofti. Þetta er sérstaklega áberandi á vetrum þegar daggarmark loftsins við inntak loftræstingarinnar fer niður fyrir 0 gráður á celsíus sem verður til þess að rakastig loftsins sem kemur frá loftræstingunni fer langt niður fyrir viðmiðunarmörk sem t.d. vinnueftirlitið mælir með.

Þessi þurrkur og sveiflurnar í rakastigi innanhúss hefur líka eyðileggjandi áhrif á alla muni sem eru úr efnum sem bregðast við breytilegu rakastigi. Tónlistarskólinn finnur sérstaklega fyrir þessu, ítrekað hafa hljóðfæri sem eru úr tré spillst eða jafnvel eyðilagst vegna þessa.

Þessi bæting á loftræstingunni var sett fyrst á áætlun fyrir fleiri árum en ég vil rifja upp en efndirnar hafa verið þannig að þessu verið frestað reglulega þrátt fyrir ítrekaðar beiðnir starfsfólks Tónlistarskólans um bætt ástand.