Bæjarstjórn

Lögð fram tillaga S-lista um breytingar á skipan fulltrúa í skipulagsráði:

Sindri Kristjánsson verði aðalfulltrúi og varaformaður í stað Orra Kristjánssonar. Orri Kristjánsson verði varafulltrúi í stað Ólínu Freysteinsdóttur.

Tilnefning eins aðalfulltrúa og eins varafulltrúa í skólanefnd Menntaskólans á Akureyri.

Endurskoðuð lögreglusamþykkt fyrir Akureyrarbæ tekin til seinni umræðu í bæjarstjórn.

Bæjarráð fjallaði um málið á fundi sínum 4. febrúar sl. og fyrri umræða í bæjarstjórn fór fram 16. febrúar sl.

Halla Björk Reynisdóttir kynnti málið.

Í umræðum tóku til máls Þórhallur Jónsson og Sóley Björk Stefánsdóttir.

Liður 2 í fundargerð skipulagsráðs dagsettri 24. febrúar 2021:

Lögð fram endurskoðuð tillaga að breytingu á deiliskipulagi miðbæjar Akureyrar. Hafa verið gerðar ýmsar breytingar á tillögunni til að koma til móts við athugasemdir og umsagnir sem bárust við drög að tillögu sem kynnt var í desember sl. auk þess sem niðurstaða vindgreiningar hefur haft áhrif á útfærslu byggingarreita, gróðurskipulags og skilmála.

Skipulagsráð leggur til við bæjarstjórn að tillaga að breytingu á deiliskipulagi miðbæjar Akureyrar verði auglýst skv. 1. mgr. 41. gr. skipulagslaga nr. 123/2010.

Þórhallur Jónsson kynnti tillögu skipulagsráðs.

Í umræðum tóku til máls Hilda Jana Gísladóttir og Andri Teitsson.

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.