Umhverfisátak

Í tilefni 150 ára afmælis Akureyrarkaupstaðar samþykkir bæjarstjórn með 11 samhljóða atkvæðum að veita allt að hálfum milljarði (500 milljónum króna) í sérstakt umhverfisátak.

Árlega verða settar allt að 100 milljónir króna í þetta sérstaka átak.

Fjárveitingin er ætluð til nýframkvæmda og stofnbúnaðarkaupa á málum sem fyrst og fremst tengjast umhverfismálum í sveitarfélaginu öllu (og einstaka deildum þess) s.s. endurgerð og nýframkvæmd leikvalla, gerð göngu- hjóla- og reiðstíga, fegrun og frágang opinna svæða og torga, skógrækt, grisjun, endurgerð og endurplöntun, frágangi og gerð fólkvanga/útivistarsvæða.

Framkvæmdaráð skal hafa eftirlit með fjárveitingu hvers árs.

Framkvæmdadeild mun gera tillögur að verkefnum og kostnaðarmeta þær. Við gerð framkvæmdaáætlunar hvers árs skal framkvæmdaráð endanlega samþykkja þær framkvæmdir og stofnbúnaðarkaup sem fara á í á ári hverju.

Umhverfisnefnd gerir tillögur til framkvæmdaráðs um einstaka verkefni er lúta að hennar verksviði sbr. samþykkt umhverfisnefndar.

Öðrum nefndum og ráðum er frjálst að koma með tillögur til framkvæmdaráðs.

Samstarfsnefndin frestar málinu og óskar eftir nánari skilgreiningu á verkefninu og hvaða staði er um að ræða.

Framkvæmdráð samþykkir að leita eftir hugmyndum íbúa, hverfisnefnda, nefnda og deilda bæjarins. Einnig verði settur upp hugmyndabanki á heimasíðu bæjarins og frestur gefinn til 15. janúar 2013.

Umhverfisnefnd þakkar Jóni Birgi kynninguna og lýsir almennri ánægju með viðbrögð almennings.

Endanlegur listi yfir innkomnar hugmyndir verður sendur nefndarfólki nk. föstudag til kynningar.

Umhverfisnefnd þakkar kynninguna.

Framkvæmdaráð þakkar fulltrúum hverfisnefnda fyrir þeirra kynningu.

Meirihluti framkvæmdaráðs samþykkir framlagðar tillögur með 3 atkvæðum gegn 2 atkvæðum Sigfúsar Arnars Karlssonar B-lista og Njáls Trausta Friðbertssonar D-lista.

Sigfús Arnar Karlsson B-lista og Njáll Trausti Friðbertsson D-lista lögðu fram eftirfarandi bókun:

Því miður sjáum við okkur ekki fært að samþykkja annars ágætar tillögur í Umhverfisátaki - 150 ára afmælisgjöf 2013. Ástæðan er sú að við teljum að þau vinnubrögð meirihlutans um einhliða ákvörðun á ráðstöfun 20% fjárveitingarinnar sé óásættanleg í framkvæmdir hjá Siglingaklúbbnum Nökkva. Eðilegt er að sú framkvæmd rúmist innan framkvæmdaáætlunar bæjarins.

Meirihluti framkvæmdaráðs telur að framkvæmdir við fegrun strandlengjunnar frá Höepfnersbryggju að Leiruvegi falli vel undir umhverfisátakið.

Framkvæmdaráð þakkar kynninguna.

Framkvæmdaráð þakkar forstöðumanni kynninguna.

Framkvæmdaráð samþykkir samhljóða að auglýst verði eftir tillögum frá íbúum með sama hætti og fyrr vegna umhverfisátaks 2014. Tillögufrestur verði til 31. desember 2013.

Njáll Trausti Friðbertsson D- lista lagði fram eftirfarandi bókun:

Ég óska eftir því við bæjarstjórn Akureyrar að þær fjárhæðir sem reiknað var með að leggja í umhverfisátakið á næstu árum verði endurskoðaðar til lækkunar við gerð fjárhagsáætlunar fyrir árið 2014 og í langtíma fjárhagsáætlunargerð bæjarins með tilliti til erfiðrar fjárhagsstöðu bæjarins og þar með leggja frekar áherslu á að tryggja nauðsynlega grunnþjónustu í bænum.

Framkvæmdaráð þakkar kynninguna.

Framkvæmdaráð samþykkir framlögð verkefni í umhverfismálum sbr. tillögur dags. 10. febrúar 2014.

Einnig samþykkir ráðið framlagðar verklagsreglur fyrir hverfisnefndir/ráð.

Fram kom á fundinum ákveðin gagnrýni á einstaka verkferla framkvæmdadeildar.

Framkvæmdaráð þakkar hverfisnefndum og hverfisráðum komuna á fundinn og mun leitast við að framkvæmdadeild bæti þá verkferla sem miður fóru.

Almennt lýstu formenn sig ánægða með umhverfisátakið.

Framkvæmdaráð þakkar kynninguna.

Framkvæmdaráð frestar afgreiðslu.

Framkvæmdaráð samþykkir þær breytingar sem um var rætt á fundinum, þ.e. að fjármagn verði sett í eftirfarandi verkefni: bifreiðastæði í Kjarnaskógi, listaverk í Grímsey, laufskála í Lystigarði og hönnun og uppfærslu bæjarkorta við innkomur í bæinn.