Velferðarráð

Velferðarráð lýsir mikilli ánægju með upphaf starfsemi Sólbergs, þjálfunar- og fjölskylduheimilis. Ljóst er að hér er um mikilvægt framfaraskref að ræða í þjónustu á Norðurlandi við börn og fjölskyldur þeirra. Jafnframt er áríðandi að starfsemi Sólbergs verði tryggð til framtíðar, enda um afar mikilvægan hlekk að ræða í barnavernd á Norðurlandi.

Velferðarráð samþykkir tillögu að afskriftum lána með þeim breytingum sem gerðar voru á fundinum og vísar málinu til bæjarráðs.

Velferðarráð fagnar því að þessari úttekt sé lokið og jafnframt því að nú þegar eru hafnar úrbætur á þeim atriðum sem bent er á að betur megi fara samkvæmt úttektinni. Þær snúa flestar að ófullnægjandi skráningum og formlegri eftirfylgni einstakra mála. Velferðarráð leggur um leið ríka áherslu á að þeim úrbótum verði hraðað eins og mögulegt er til að tryggja að allir verkferlar, fræðsla og skráningar séu fullnægjandi.