Velferðarráð

Heimsókn í sambýlið að Snægili 1 þar sem Guðrún Guðmundsdóttir forstöðumaður tók á móti velferðarráði og sýndi húsnæðið.

Lagt fram til kynningar minnsblað dagsett 23. janúar 2023 um stöðu á biðlista eftir sértæku húsnæði fyrir fatlað fólk.

Guðrún Guðmundsdóttir starfandi þjónustustjóri sat fundinn undir þessum lið.

Elsa María Guðmundsdóttir S-lista leggur fram eftirfarandi bókun:

Staðan í þessum málaflokki er afar viðkvæm og mjög slæmt að ekki sé meiri fyrirsjáanleiki hvað varðar uppbyggingu á íbúðum Brynju hússjóðs, sem Akureyrarbær virðist reiða sig töluvert á til að koma til móts við þá sem eru í hvað brýnustu þörf.

Lagt fram til kynningar minnisblað dagsett 25. janúar 2023 um stöðu leiguíbúða Akureyrarbæjar s.s. útleigu á árinu og biðlista eftir húsnæði.

Anna Marit Níelsdóttir forstöðumaður og Guðni Örn Hauksson húsnæðisfulltrúi sátu fundinn undir þessum lið.

Elsa María Guðmundsdóttir S-lista leggur fram eftirfarandi bókun:

Nú er ljóst að staða á biðlistum fer versnandi og þá er afar brýnt að horft verði til rammasamnings ríkis og sveitarfélaga m.a. varðandi uppbyggingu á félagslegu húsnæði. Því er mikilvægt að hraða vinnu að nýjum áætlunum í uppbyggingu félagslegs húsnæðis á Akureyri.

Alfa Dröfn Jóhannsdóttir B-lista tekur undir bókun Elsu Maríu.

Lagt fram til kynningar minnisblað dagsett 25. janúar 2023 þar sem fram koma helstu upplýsingar er varða sérstakan húsnæðisstuðning árið 2022.

Anna Marit Níelsdóttir forstöðumaður og Guðni Örn Hauksson húsnæðisfulltrúi sátu fundinn undir þessum lið.

Lögð fram drög að starfsáætlun velferðarsviðs fyrir árið 2023.