Skólanefnd

Skólanefnd heimsótti Lundarskóla og leikskólann Lundarsel. Gengið var um húsnæði skólanna og starfsemin kynnt. Um kynninguna sáu skólastjórar skólanna Björg Sigurvinsdóttir skólastjóri Lundarsels og Elías Gunnar Þorbjörnsson skólastjóri Lundarskóla.

Fyrir fundinn var lögð tillaga að þriggja ára áætlun fyrir málaflokkinn fræðslumál.

Lagt var fram yfirlit yfir stöðu í rekstri málaflokksins fyrir 9 mánuði ársins. Þá var lögð fram útgönguspá fyrir fjárhagsárið 2014.

Lagðar voru fram til kynningar ályktanir og upplýsingar vegna yfirstandandi verkfalls Félags tónlistarskólakennara.

Á fundinum var kynnt starf og hugmyndir vinnuhóps um sértækt hópastarf fyrir ungmenni á Akureyri.

Lagður fram til kynningar tölvupóstur dagsettur 14. október 2014 frá mennta- og menningarmálaráðuneytinu þar sem fram kemur að gerð hafa verið drög að rafrænni handbók um velferð og öryggi barna í grunnskólum sem unnin er á grundvelli laga um grunnskóla nr. 91/2008 og reglugerðar um gerð og búnað grunnskólahúsnæðis og skólalóða nr. 657/2009.
Í handbókinni eru leiðbeiningar fyrir sveitarfélög, rekstraraðila grunnskóla, skólastjórnendur, kennara og aðra sem starfa í grunnskólum, um velferð og öryggi barna í grunnskólum.
Fram til 31. október 2014 er öllum þeim sem áhuga hafa gefinn kostur á að senda inn athugasemdir við drögin að handbókinni. Athugasemdir óskast sendar á netfangið bjork.ottarsdottir@mrn.is.

Lagður fram til kynningar tölvupóstur dagsettur 17. október 2014 frá mennta- og menningarmálaráðuneytinu þar sem vakin er athygli á að mennta - og menningarmálaráðuneyti hefur sett í opið samráðsferli breytingar á grunnskólalögum er varða frístundaheimili.
Starfshópur um málefni frístundaheimila fyrir nemendur á grunnskólastigi hefur afhent mennta- og menningarmálaráðherra greinargerð ásamt tillögu að breytingu á 33. gr. laga um grunnskóla nr. 91/2008. Einnig fylgdi skýrsla með niðurstöðum könnunar um starfsemi frístundaheimila sem unnin var sl. vetur á vegum starfshópsins á frístundaheimilum og er aðgengileg á vef ráðuneytisins.
Tillagan fer nú í opið samráðsferli með birtingu á vef ráðuneytisins þar sem öllum gefst kostur að kynna sér efni hennar og skila inn athugasemdum og ábendingum til ráðuneytisins eigi síðar en 7. nóvember nk. á netfangið erla.osk.gudjonsdottir@mrn.is

Hvítbók um umbætur í menntun hefur verið gefin út af mennta- og menningarmálaráðuneytinu. Farið var yfir helstu áhersluþætti sem koma fram í henni og hugsanleg áhrif á skólastarf á Akureyri.