Skipulagsráð

Vilhjálmur Leví Egilsson hjá Nordic arkitektastofu kynnti drög að lýsingu deiliskipulags fyrir tjaldsvæðisreit sem afmarkast af Þórunnarstræti, Hrafnagilsstræti, Byggðavegi og Þingvallastræti.

Erindi dagsett 10. nóvember 2022 þar sem Ómar Ívarsson f.h. Rósu Maríu Stefánsdóttur sækir um breytingu á Aðalskipulagi Akureyrar 2018-2030 vegna áforma um stækkun íbúðarsvæðis ÍB24 á Hesjuvöllum. Áformin fela í sér stækkun íbúðarsvæðisins úr 0,2 ha í 3,0 ha og að innan þess verði heimilt að reisa allt að sjö íbúðarhús á stórum lóðum.

Meðfylgjandi er skýringarmynd.

Kynningu á tillögu á vinnslustigi að breytingu á deiliskipulagi Síðuskóla vegna áforma um hjúkrunarheimili og leikskóla lauk 26. október sl.

Sex athugasemdabréf bárust auk umsagna frá öldungaráði Akureyrarbæjar, Síðuskóla, Norðurorku, Heilbrigðiseftirliti Norðurlands eystra og Minjastofnun Íslands.

Málið var áður á dagskrá skipulagsráðs 9. nóvember sl. og var afgreiðslu frestað.

Eru nú lagðar fram tvær tillögur að útfærslu svæðisins, annars vegar Tillaga A þar sem fyrirhugað hjúkrunarheimili er staðsett norðan við núverandi hjúkrunarheimili og sunnan við fyrirhugaðan leikskóla og hins vegar Tillaga B þar sem fyrirhugaður leikskóli er staðsettur norðan við núverandi hjúkrunarheimili og sunnan við fyrirhugað hjúkrunarheimili.

Kynningu á drögum að deiliskipulagi fyrir Hvannavelli 10-14 lauk 5. nóvember sl.

Fjögur athugasemdabréf bárust auk umsagna frá Minjastofnun Íslands og Norðurorku.

Lögð fram tillaga Kollgátu teiknistofu f.h. umhverfis- og mannvirkjasviðs Akureyrarbæjar að breytingu á deiliskipulagi KA svæðis - Lundarskóla - Lundarsels.

Breytingin felst í eftirfarandi:

- Hámarkshæð áhorfendastúku hækkar úr 9,5 m í 13 m og heildarfjöldi hæða í stúkubyggingu eykst í þrjár hæðir. Heildarbyggingarmagn minnkar úr 3.206 m² í 2.900 m².

- Heildarfjöldi hæða í tengibyggingu eykst í þrjár hæðir og hámarkshæð byggingar í 12,1 m.

- Byggingarreitur B breikkar um 4 m til suðurs og reitur fyrir sjónvarpsupptökuhús færist lítillega til suðurs og vesturs.

- Vallarstæði nýs aðalvallar er fært um 10 m til suðurs til að vernda trjágróður meðfram Þingvallastræti. Byggingarreitir fyrir ljósamöstur færast til samræmis.

- Kvaðir um frágang ljósamastra eru settar inn vegna ákvæða í flugvallareglugerð nr. 464/2007.

- Settir eru inn nýir byggingarreitir fyrir fjögur ljósamöstur.

- Hæð ljósamastra hækkar úr 25 m í 27 m.

Málið var áður á dagskrá skipulagsráðs 9. nóvember sl. og var afgreiðslu frestað þar til fyrir lægju umsagnir ISAVIA og Norðurorku um tillöguna.

Lögð fram að nýju drög Yrki arkitekta ehf. að breytingu á deiliskipulagi Spítalavegar þar sem gert er ráð fyrir fjórum fjölbýlishúsum vestan megin við Tónatröð á svæði þar sem nú eru lóðir 2, 4, 6, 10, 12 og 14. Er útfærsla deiliskipulagsins miðuð við að litlar sem engar breytingar verði á lóð Tónatraðar 8 þar sem ekki liggur fyrir heimild Minjastofnunar Íslands til að fjarlægja húsið. Auk deiliskipulagstillögu eru lagðar fram athugasemdir, umsagnir og minnisblöð sem fyrir liggja í tengslum við kynningu á lýsingu aðalskipulagsbreytingar.

Málið var áður á dagskrá skipulagsráðs 4. maí sl. og var afgreiðslu frestað þar til nýtt skipulagsráð hefði tekið við að loknum sveitarstjórnarkosningum.

Erindi dagsett 16. nóvember 2022 þar sem Jóhann Einar Jónsson f. h. Hvalaskoðunar Akureyri sækir um breytingu á deiliskipulagi miðbæjar.

Breytingin felur í sér að nýtingarhlutfall lóðarinnar Oddeyarbótar 2 er hækkað úr 0,426 í 0,64 og að innan byggingarreits verði heimilt að reisa tveggja hæða byggingu með hámarks mænishæð 7,5 m. Samkvæmt núgildandi deiliskipulagsskilmálum er heimilt að byggja allt að 200 m² hús á einni hæð á lóðinni.

Meðfylgjandi eru tillöguteikningar.

Erindi dagsett 7. nóvember 2022 þar sem Davíð Örn Benediktsson sækir um breytingu á deiliskipulagi fyrir Álfaholt 5-7.

Breytingin felst í stækkun byggingarreits án þess að byggingarmagn aukist.

Erindi dagsett 9. nóvember 2022 þar sem Ingólfur Guðmundsson f.h. Ingvars Þóroddssonar leggur inn fyrirspurn varðandi breytingar á húsi nr. 8 við Bakkahlíð.

Ekki er í gildi deiliskipulag fyrir svæðið.

Meðfylgjandi er tillöguuppdráttur.

Lögð fram drög að útboðsskilmálum fyrir lóðina Gránufélagsgötu 22.

Lögð fram drög að útboðsskilmálum fyrir lóðina Norðurgötu 5-7.

Erindi dagsett 8. nóvember 2022 þar sem Jóhannes Áslaugsson sækir um leyfi fyrir saltfiskhjalli á Saltnesi í Hrísey.

Erindi dagsett 2. nóvember 2022 þar sem Jóhannes Björn Ófeigsson f.h. atNorth sækir um framkvæmdaleyfi fyrir lagningu 33 kV strengs frá tengivirki Landsnets á Rangárvöllum að byggingum atNorth við Hlíðarvelli. Settir eru fram tveir möguleikar á legu strengsins sunnan Hlíðarfjallsvegar en umsækjandi óskar eftir að leið merkt A verði valin.

Meðfylgjandi eru greinargerð og yfirlitsmyndir auk minnisblaðs frá umhverfis- og mannvirkjasviði dagsett 18. nóvember 2022.

Lögð fram tillaga að breytingum á reglum Akureyrarbæjar um úthlutun lóða.

Erindi dagsett 15. nóvember 2022 þar sem Helgi Örn Eyþórsson f.h. SS Byggis ehf. óskar eftir úthlutun lóðar í Móahverfi fyrir 100-200 íbúðir við fyrsta tækifæri. Rök fyrir beiðninni eru þau að 9-12 mánuði tekur að fullhanna vönduð fjölbýlishús og því sé æskilegt að lóðum verði úthlutað þó svo svæðið sé ekki byggingarhæft enn sem komið er.

Lagt fram erindi Ingólfs. F. Guðmundssonar á Kollgátu, f.h. lóðarhafa Hulduholts 27, þar sem óskað er eftir leyfi til að B-rými hússins verði ekki talin til nýtingarhlutfalls. Um er að ræða útkragandi þakkanta efri hæðar og útkrögun efri hæðar yfir þá neðri. Í deiliskipulaginu kemur fram að heimilt er að útkragandi byggingarhlutar geti náð 1,5 m út fyrir byggingarreit.

Lagður fram til kynningar Rammasamningur ríkis og sveitarfélaga um aukið framboð íbúða 2023-2032 og sameiginlega sýn og stefnu í húsnæðismálum sem undirritaður var 12. júlí 2022.

Lögð fram til kynningar fundargerð 889. fundar, dagsett 10. nóvember 2022, með fullnaðarafgreiðslum erinda. Fundargerðin er í 3 liðum og er að finna á heimasíðu Akureyrarbæjar.