Fjárhagsáætlun 2015 - skólanefnd

Skólanefnd felur fræðslustjóra, leikskólafulltrúa og rekstrarstjóra að vinna áætlunina áfram í samræmi við umræður á fundinum.

Tillagan gerir ráð fyrir því að rekstur ársins verði kr. 5.700.463.000, sem er kr. 611.472.000 hækkun frá áætlun 2014 eða um 12%. Þessi mikla hækkun skýrist af nýjum kjarasamningum, en launakostnaður hækkar um kr. 558.818.000 frá áætlun 2014 eða um 15,3%. Í tillögunni felst að gjaldskrár hækki um 4% á frístund og fæði, en um 7% á dvalartímann í leikskólum og skólagjöld Tónlistarskólans, frá næstu áramótum. Þjónustustig skólanna verði með sambærilegum hætti og verið hefur undangengin ár.

Skólanefnd samþykkir fyrirliggjandi tillögu að fjárhagsáætlun fyrir árið 2015 ásamt tillögum að breytingum á gjaldsskrám og vísar henni til bæjarráðs.

Preben Jón Pétursson Æ-lista óskar bókað: Ég óska eftir því að skoðaðar verði mögulegar útfærslur á gjaldskrá leikskóla, þar sem hluti dagsins yrði gjaldfrjáls án kostnaðarauka fyrir bæinn. Ef það gengi eftir gæti bærinn tekið eitt skref í áttina að því að gera Akureyri að fýsilegasta búsetukosti landsins fyrir barnafólk.

Sædís Inga Ingimarsdóttir fulltrúi foreldra grunnskólabarna óskar bókað: Ég er alfarið á móti allri hækkun fæðisgjalda.

Meirihluti skólanefndar samþykkir fyrirliggjandi tillögu.

Eva Hrund Einarsdóttir D-lista sat hjá við afgreiðslu..