Skólanefnd

Fyrir fundinn voru lögð drög að stefnuskrá fyrir Hlíðarskóla. Ásamt drögunum fylgdu hugmyndir um vinnubrögð í grunnskólum áður en sótt er um í Hlíðarskóla og kostnaðarmat á þeim framkvæmdum sem til þarf ef uppfylla á óskir um aðbúnað.

Fyrir fundinn var lögð tillaga um að gjaldskrá vegna daggæslu verði óbreytt þrátt fyrir kostnaðarauka í kjölfar breytinga á kjarasamningum sem hámarksgjald vegna daggæslu tekur mið af samkvæmt gildandi samningum við dagforeldra. Reikna má með því að aukinn rekstrarkostnaður á þessu ári vegna þessa verði nálægt 5 milljónum kr.

Fyrir fundinn var lögð tillaga að fundaáætlun skólanefndar fyrir ágúst til desember 2014.

Fyrir fundinn var lagt fram til kynningar fjárhagsáætlunarferli á árinu 2014.

Á fundinum var farið yfir markmið langtímaáætlunar skólanefndar.

Fyrir fundinn var lögð fram til kynningar tillaga að gerð starfsáætlunar skólanefndar 2015.

Lagður fram til kynningar tölvupóstur dagsettur 6. maí 2014 frá Sambandi íslenskra sveitarfélaga, þar sem tilkynnt er um að málþing sambandsins um skólamál verður haldið 8. september 2014. Áhersla þingsins verður á árangur skólastarfs með fókus á námsárangur.

Erindi dagsett 1. júlí 2014 frá Guðbjörgu Sesselju Jónsdóttur f.h. samtaka sjálfstæðra skóla. Þar er lýst áhyggjum af því að færra fagfólk sækir í störf í leikskólum. Í ljósi þess er bent á að starfsheitið leikskólaliði er ekki talið með fagfólki í öllum sveitarfélögum þegar gefið er upp hlutfall fagfólks í leikskólunum. Óskað er eftir því að sveitarfélög samræmi túlkun sína á því hvaða starfsheiti falla undir hugtakið fagfólk og fari þá eftir túlkun Reykjavíkurborgar og Hagstofu Íslands þar sem starfsheitið leikskólaliði er talið með fagfólki.