Velferðarráð

Samstarfssamningur við Aflið var á dagskrá síðasta fundar og vísað til bæjarráðs. Bæjarráð vísaði samningnum aftur til nefndar.

Lagt fram til kynningar yfirlit yfir veitta fjárhagsaðstoð fyrstu fjóra mánuði ársins.

Lögð fram drög að samþykkt fyrir notendaráð í málaflokki fatlaðra.

Karólína Gunnarsdóttir þjónustustjóri á fjölskyldudeild og Laufey Þórðardóttir staðgengill framkvæmdastjóra búsetudeildar sátu fundinn undir þessum lið.

Lagt fram til kynningar erindi frá innanríkisráðuneytinu um jafnt búsetuform barna auk þess sem óskað er eftir ábendingum frá sveitarfélögum vegna málsins fyrir 1. júní 2016.

Laufey Þórðardóttir staðgengill framkvæmdastjóra búsetudeildar mætti á fund ráðsins undir þessum lið og kynnti þörf fyrir aukna helgarþjónustu í heimaþjónustu A.

Laufey Þórðardóttir staðgengill framkvæmdastjóra búsetudeildar kynnti breytingar á reglum skammtímaþjónustu fyrir fatlað fólk.

Anna Lilja Björnsdóttir verkefnisstjóri mætti á fund ráðsins undir þessum lið og kynnti vinnu við gerð velferðarstefnu.

Tekin fyrir að nýju tillaga Halldórs Guðmundssonar framkvæmdastjóra Öldrunarheimila Akureyrarbæjar og Friðnýjar Sigurðardóttur þjónustustjóra ÖA um endurskoðun á reglum frá 2012 um dagþjálfun (áður dagþjónusta), málinu var frestað á fundi 3. mars 2016.

Lögð fram til kynningar, Greinargerð um kostnaðarútreikning fyrir rekstur hjúkrunarheimilis - rekstrarárið 2016, sem unnin var af ráðgjafastofunni Nolta fyrir Grund og Hrafnistu, en hefur verið dreift til aðildarfélaga SFV.

Halldór Guðmundsson framkvæmdastjóri Öldrunarheimila Akureyrarbæjar reifaði helstu niðurstöður og áherslur verkbeiðanda um gerð skýrslunnar.

Endurskoðuð mannauðsstefna Akureyrarbæjar tekin fyrir að nýju.