Umhverfisnefnd

Jón Ingi Cæsarsson fulltrúi S- lista óskar að bóka eftirfarandi:

Að fella út einn merkasta stað í bæjarlandi Akureyrar af náttúruminjaskrá ber vott um skammsýni og sorglegt skilningsleysi á framtíð náttúruverndar. Þar er ekki verið að þjóna framtíðarhagsmunum íbúa á Akureyri heldur er eingöngu verið að hugsa um skammtímasjónarmið orkufyrirtækis. Hér er verið að fórna meiri hagsmunum fyrir minni.

Engar fullnægjandi rannsóknir hafa farið fram á jarðfræði svæðisins þar sem fyrirhugað lón er staðsett í þessari áætlun. Jafnframt hafa engar rennslisrannsóknir farið fram á Glerá á þessu svæði og þekkt eru krapahlaup sem hafa tekið af göngubrýr.

Að mínu mati verður því að gera vandaðar rannsóknir á þessu svæði og að mínu mati stenst sú skoðun sem Fallorka lét vinna engan veginn þær kröfur sem verður að gera til slíkra rannsókna enda hagsmunaaðili og eigandi þessara væntanlegu mannvirkja.

Það verður því að láta vinna þarna fullkomið umhverfismat enda verið að safna saman verulegu vatnsmagni sem á greiða leið beint inn í íbúðahverfi Akureyrar verði þarna óhapp eða mistök eins og hefur gerst hér við Eyjafjörð í svipuðum framkvæmdum.

Hulda Stefánsdóttir og Ómar Ólafsson fulltrúar L- lista og Kristinn Frímann Árnason fulltrúi D- lista óska að bóka eftirfarandi:

Við gerum ekki athugasemd við lýsinguna en óskum jafnframt eftir að fá að fylgjast með áframhaldandi vinnu við verkefnið.

Umhverfisnefnd gerir ekki athugasemdir við tillögu deiliskipulagsins.

Umhverfisnefnd fagnar erindinu og gerir ekki athugasemdir við tillöguna.

Umhverfisnefnd tekur undir sjónarmið verkefnisstjórnar, fundargerð 29. fundar, dags. 16. desember 2013, fundarliður 2 og gerir ekki aðrar athugasemir við umsögn Sambandsins.