Umhverfis- og mannvirkjaráð

Umhverfis- og mannvirkjaráð samþykkir að gengið verði til samninga við lægstbjóðanda Íslenska gámafélagið ehf. um rekstur grenndarstöðva og gámasvæðis á Akureyri með þeim fyrirvara að lægstbjóðandi standist útboðskröfur.

Umhverfis- og mannvirkjaráð felur umhverfis- og mannvirkjasviði að vinna málið áfram.

Umhverfis- og mannvirkjaráð samþykkir fyrir sitt leyti að framlengja þjónustusamning við Skógræktarfélag Eyfirðinga til tveggja ára.

Umhverfis- og mannvirkjaráð stefnir að því til framtíðar að nýta hreinorku á bílaflota Akureyrarbæjar að því marki sem kostur er s.s. á strætisvagna og ferliþjónustubíla. Í því ljósi telur ráðið mikilvægt að tryggð verði áframhaldandi framleiðsla á metani á Norðurlandi. Felur ráðið því sviðsstjóra umhverfis- og mannvirkjasviðs í samvinnu við framkvæmdastjóra Líforkuvers ehf. að kanna mögulega áframhaldandi notkun á metani.

Umhverfis- og mannivirkjaráð samþykkir að verkið verði boðið út.


Ólafur Kjartansson V-lista óskar bókað:

Vegna lýsingar á stíg sjávarmegin meðfram Drottningarbraut og Leiruvegi:

Ljósin sem eru nú í timburpollum meðfram Drottningarbrautinni eru mjög gölluð sem samgöngulýsing vegna þess hve mikið af ljósinu lýsir upp á við og veldur vegfarendum glýju í augum (ofbirtu). Það er aðferð sem er ekki nothæf sem samgöngulýsing á hjólaleið.

Umhverfis- og mannvirkjaráð samþykkir að ganga til samninga við Atendi ehf. að upphæð kr. 29.405.843 um verkið með fyrirvara um að bjóðandi standist kröfur í útboðslýsingu.

Umhverfis- og mannvirkjaráð samþykkir að farið verði í rif á fasteignunum.