- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Framkvæmdir
- Tímabókanir
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fjármál og tölfræði
- Fyrir fjölmiðla
- Sveitarstjórnarkosningar 2022
- Mannlíf
- Þjónustugátt
- Fréttir
- Persónuverndarstefna Akureyrarbæjar
Stjórn Akureyrarstofu
Dagskrá
Eva Dögg Fjölnisdóttir áheyrnarfulltrúi Æ-lista boðaði forföll.
1.Ferðamálastefna
Málsnúmer 2014110220Vakta málsnúmer
Stjórn Akureyrarstofu þarf að tilnefna tvo menn í stýrihóp við vinnu ferðamálastefnu fyrir Akureyrarbæ.
Stjórn Akureyrarstofu tilnefnir Sigfús Arnar Karlsson og Evu Hrund Einarsdóttur í stýrihóp við vinnslu ferðamálastefnu fyrir Akureyrarbæ.
2.Laxdalshús - útleiga
Málsnúmer 2015010247Vakta málsnúmer
Laxdalshús var auglýst til leigu. Á fundinum var farið yfir þær umsóknir sem bárust.
Lagt fram til kynningar.
Lagt fram til kynningar.
3.Samstarfssamningar um menningarmál
Málsnúmer 2014120052Vakta málsnúmer
Lögð voru fyrir fundinn drög að verklagsreglum og auglýsingar fyrir samstarfssamninga um menningarmál og úthlutunarreglum úr Menningarsjóði.
Stjórn Akureyrarstofu samþykkir úthlutunarreglur og verklagsreglur sem lagðar voru fram. Stjórn Akureyrarstofu samþykkir að fela framkvæmdastjóra og verkefnisstjóra viðburða- og menningarmála Akureyrarstofu að auglýsa til umsóknar styrki úr Menningarsjóði Akureyrar, bæði samstarfsstyrki og verkefnastyrki til menningarmála, styrk til bæjarlistamanns og húsverndunarstyrki.
4.Starfslaun listamanna 2015-2016
Málsnúmer 2015010249Vakta málsnúmer
Á fundinum verður rætt fyrirkomulag vals á bæjarlistamanni Akureyrar 2015-2016.
Stjórn Akureyrarstofu samþykkir að fela menningar- og viðburðafulltrúa að auglýsa eftir umsóknum um útnefningu bæjarlistamanns 2015-2016. Umsækjendur skulu sækja um í eigin nafni.
5.Heimsókn japanskra listamanna
Málsnúmer 2015010248Vakta málsnúmer
Sendiráð Japans hefur boðist til að senda hóp japanskra listamanna til Akureyrar í júní 2016. Farið er fram á að Akureyrarbær leggi til húsnæði til að hýsa viðburðinn.
Stjórn Akureyrarstofu felur framkvæmdastjóra Akureyrarstofu að ræða við forsvarsmenn Menningarfélags Akureyrar um möguleika á því að taka við viðburðinum og leggja til húsnæði undir hann.
6.Samþykktir fastanefnda endurskoðun
Málsnúmer 2013060144Vakta málsnúmer
Lögð fram drög að endurskoðaðri samþykkt fyrir stjórn Akureyrarstofu.
Stjórn Akureyrarstofu samþykkir að vísa fyrirliggjandi drögum að endurskoðaðri samþykkt fyrir stjórn Akureyrarstofu til bæjarráðs og síðan samþykktar í bæjarstjórn.
7.Iðnaðarsafnið á Akureyri - skipun fulltrúa í stjórn
Málsnúmer 2010090020Vakta málsnúmer
Stjórn Akureyrarstofu skal skipa tvo fulltrúa í stjórn Iðnaðarsafnsins á Akureyri.
Afgreiðslu málsins frestað til næsta fundar.
8.Skrifstofur bæjarfulltrúa
Málsnúmer 2015020017Vakta málsnúmer
Bæjarstjóri hefur farið þess á leit við stjórn Akureyrarstofu að kanna möguleika á því að nýta Sigurhæðir sem vinnuaðstöðu fyrir bæjarfulltrúa.
Stjórn Akureyrarstofu felur framkvæmdastjóra Akureyrarstofu að vinna að því að nýta Sigurhæðir sem vinnuaðstöðu fyrir bæjarfulltrúa.
9.Atvinnu- og nýsköpunarhelgin 2012-2015
Málsnúmer 2013040093Vakta málsnúmer
Atvinnu- og nýsköpunarhelgi Akureyrar 2015 verður haldin í Háskólanum á Akureyri þann 13.-15. febrúar næstkomandi. Samkvæmt samstarfssamningi frá árinu 2013 er Akureyrarstofa aðili að helginni. Hlutverk Akureyrarstofu er að hafa frumkvæði að undirbúningi og leggja til starfskrafta verkefnastjóra. Aðrar fjárveitingar á vegum Akureyrarstofu hvert ár miðast svo við áætlaða þörf fyrir kostaða kynningu og þurfa að samþykkjast sérstaklega innan stjórnar Akureyrarstofu ár hvert.
Farið er fram á að lagðir verði til starfskraftar verkefnastjóra atvinnumála við undirbúning helgarinnar í stað ráðningar sérstaks verkefnastjóra, auk þess sem verkefnastjóri viðburða aðstoði eftir þörfum. Þá verði jafnframt lagt til fjármagn til helgarinnar.
Farið er fram á að lagðir verði til starfskraftar verkefnastjóra atvinnumála við undirbúning helgarinnar í stað ráðningar sérstaks verkefnastjóra, auk þess sem verkefnastjóri viðburða aðstoði eftir þörfum. Þá verði jafnframt lagt til fjármagn til helgarinnar.
Stjórn Akureyrarstofu samþykkir að leggja til starfskrafta verkefnastjóra atvinnumála við undirbúning og framkvæmd Atvinnu- og nýsköpunarhelgarinnar 2015. Einnig verði menningar- og viðburðafulltrúi til taks á dagvinnutíma. Að auki samþykkir stjórn Akureyrarstofu að leggja verkefninu til fjárframlag að upphæð 250.000 kr.
10.Visit Akureyri - tengist Komdu norður
Málsnúmer 2015020038Vakta málsnúmer
Fjölmörg ferðaþjónustufyrirtæki á Akureyri kynna starfsemi sína á vefnum visitakureyri.is sem Akureyrarstofa heldur úti. Þessi þjónusta er fyrirtækjunum að kostnaðarlausu.
Síðastliðin 10 ár hefur verið farið í kynningarátak undir slagorðinu Komdu norður. Sum ferðaþjónustufyrirtæki bæjarins leggja átakinu lið, önnur ekki. Lagt er til að aðeins þau fyrirtæki sem leggja átakinu lið fái að kynna sína starfsemi á vefnum.
Síðastliðin 10 ár hefur verið farið í kynningarátak undir slagorðinu Komdu norður. Sum ferðaþjónustufyrirtæki bæjarins leggja átakinu lið, önnur ekki. Lagt er til að aðeins þau fyrirtæki sem leggja átakinu lið fái að kynna sína starfsemi á vefnum.
Stjórn Akureyrarstofu samþykkir að framvegis verði full skráning á ferðamannavefinn visitakureyri.is háð því að viðkomandi fyrirtæki skuldbindi sig til að taka þátt í kynningarátakinu Komdu norður.
Fundi slitið - kl. 19:00.
