Stjórn Akureyrarstofu

Erindi dagsett 30. apríl 2020 frá Þuríði H. Kristjánsdóttur framkvæmdastjóra MAk og Preben Jóni Péturssyni stjórnarformanni MAk þar sem óskað er eftir styrk að upphæð 3 milljónir króna til að styðja við upptökur á sinfónískri tónlist fyrir alþjóðlegan afþreyingariðnað.

Minnisblað deildarstjóra Akureyrarstofu, safnstjóra Minjasafnsins og formanns stjórnar Iðnaðarsafnsins lagt fram til umræðu.

Sóley Björk Stefánsdóttir formaður stjórnar Iðnaðarsafnsins mætti á fundinn og fór yfir stöðu og framtíð Iðnaðarsafnsins.

Verklagsreglur vegna úthlutunar úr nýjum viðburða- og vöruþróunarsjóði sem ætlað er að efla framboð afþreyingar á árinu 2020 lagðar fram til samþykktar.

Fundargerð Hverfisráðs Hríseyjar nr. 135 frá 30. apríl sl. var lögð fyrir bæjarráð þann 7. maí sl. Í fyrsta fundarlið er tekið fyrir innkomið bréf frá Ferðamálafélagi Hríseyjar og hagsmunaaðilum í ferðaþjónustu í Hrísey þar sem kemur fram að rekstraraðilar í ferðaþjónustu hafi miklar áhyggjur af komandi sumri. Í Hrísey er hafin vinna við að búa til skemmtilegar pakkaferðir til Hríseyjar með góðum afsláttum fyrir fólk sem kýs að nota hér ferðaávísun, sem ríkisstjórnin ætlar að gefa út. Jafnframt kemur fram:

Til að styðja við þetta átak okkar og renna styrkari stoðum undir atvinnulífið í eyjunni, förum við þess á leit við Akureyrarbæ að hann styrki okkur með því

að greiða fargjöld í Hríseyjarferjuna fyrir alla í einn mánuð í sumar. Slík ráðstöfun myndi skila miklu til eyjarinnar og yrði gott markaðsátak sem hægt

væri að ráðast í vegna aðstæðna í þjóðfélaginu. Við erum þess fullviss að margir íbúar á Norðurlandi sem ekki hafa komið í Hrísey myndu nýta sér þetta tilboð og einnig aðrir landsmenn.

Hverfisráð styður erindið heilshugar og vísar því áfram til bæjarráðs.

Niðurstaða bæjarráðs var að vísa erindinu til stjórnar Akureyrarstofu.

Erindi dagsett 27. febrúar 2020 frá Lindu Maríu Ásgeirsdóttur f.h. undirbúningshóps að Hríseyjarhátíð 2020 þar sem óskað er eftir styrk að upphæð kr. 500.000 vegna Hríseyjarhátíðar 2020.

Skýrsla Flugklasans, staða mars 2020, lögð fram til kynningar.

Á Vorkomu stjórnar Akureyrarstofu sem fram fór á netinu á sumardaginn fyrsta voru opinberaðar eftirfarandi viðurkenningar stjórnar Akureyrarstofu.


Heiðursviðurkenningar menningarsjóðs:

Gestur Einar Jónasson leikari, fjölmiðla- og safnamaður.


Viðurkenning Húsverndarsjóðs:

Snorri Guðvarðsson málarameistari fyrir ævistarf.


Byggingarlistaverðlaun Akureyrar árið 2020:

Anna Margrét Hauksdóttir arkitekt FAÍ, hjá arkitektastofunni AVH ehf. og Bergfesta byggingarfélag fyrir útfærslu fjölbýlishúsaíbúa við Halldóruhaga 8-14.


Starfslaun listamanna 2020:

Ásdís Arnardóttir sellóleikari.

Erindi dagsett 7. maí 2020 frá Kristínu Sóleyju Björnsdóttur formanni stjórnar Gásakaupstaðar ses, þar sem tilkynnt er að Miðaldadagar 2020 verða ekki haldnir sökum COVID-19.

Ársskýrsla samfélagssviðs fyrir árið 2019 lögð fram til kynningar.

Erindi dagsett 4. maí 2020 frá Birni H. Reynissyni verkefnastjóra á Markaðsstofu Norðurlands þar sem vakin er athygli á möguleikum til uppbyggingar á sögutengdri ferðaþjónustu.

Lagðar fram til kynningar upplýsingar um úthlutun úr Safnasjóði til Listasafnsins á Akureyri og Minjasafnsins á Akureyri.

Listasafnið fékk samtals 10,9 milljónir króna og Minjasafnið 15 milljónir króna.

Vegna COVID-19 faraldursins þurfti að fresta Barnamenningarhátíð sem halda átti í apríl. Akureyrarstofa og samstarfsaðilar leggja til að hátíðin verði haldin í október, þannig að viðburðir verði allar helgar þann mánuð.

Erindi dagsett 14. maí 2020 frá Davíð Smárasyni framkvæmdastjóra Hótels Akureyri þar sem tilkynnt er að vegna gjörbreyttra rekstraraðstæðna sé fallið frá tilboði í leigu á Sigurhæðum.