Stjórn Akureyrarstofu

221. fundur 14. desember 2016 kl. 16:15 - 19:04 Fundarherbergi Akureyrarstofu í menningarhúsinu Hofi
Nefndarmenn
  • Unnar Jónsson formaður
  • Sigfús Arnar Karlsson
  • Eva Hrund Einarsdóttir
  • Hildur Friðriksdóttir
Starfsmenn
  • Þórgnýr Dýrfjörð framkvæmdastjóri akureyrarstofu ritaði fundargerð
Dagskrá
Eva Dögg Fjölnisdóttir Æ-lista boðaði forföll. Varamaður komst ekki í hennar stað.
Anna Hildur Guðmundsdóttir L-lista boðaði forföll. Varamaður komst ekki í hennar stað.

1.Listasumar og Akureyrarvaka 2016

Málsnúmer 2016080020Vakta málsnúmer

Lögð fram greinargerð verkefnisstjóra Akureyrarvöku og Listasumars 2016.

Hulda Sif Hermannsdóttir verkefnisstjóri viðburða og menningarmála hjá Akureyrarstofu og Guðrún Þórsdóttir verkefnisstjóri Akureyrarvöku komu á fundinn og fóru yfir efni greinargerðarinnar.
Stjórn Akureyrarstofu þakkar þeim Huldu Sif og Guðrúnu fyrir komuna á fundinn, fyrir greinargóðar upplýsingar og gagnlegar umræður.

2.Aðalskipulag Akureyrar 2018-2030

Málsnúmer 2015110092Vakta málsnúmer

Bjarki Jóhannesson skipulagsstjóri kom á fundinn og kynnti tillögu að nýju aðalskipulagi og sérstaklega þá þætti sem snúa að málaflokkum stjórnar Akureyrarstofu.
Stjórn Akureyrarstofu þakkar skipulagsstjóra fyrir greinargóða kynningu á Aðalskipulaginu. Framkvæmdastjóra falið að koma athugasemdum á framfæri.

3.Skáldahúsin á Akureyri - samningar og rekstur 2016

Málsnúmer 2016100062Vakta málsnúmer

Borist hefur tillaga að nýjum samningi milli Akureyrarbæjar og Minjasafnsins á Akureyri um rekstur Skáldahúsanna á Akureyri, Davíðshúss, Nonnahúss og Sigurhæða. Markmiðið er að ábyrgð á rekstri húsanna færist yfir til Minjasafnsins og að gerður verði einn samningur í stað tveggja eins og nú er.
Stjórn Akureyrarstofu er sammála því að skýra ábyrgð í nýjum samningi og að gerður verði einn samningur. Stjórnin samþykkir að formaður og framkvæmdastjóri taki upp viðræður við fulltrúa Minjsafnsins um efni samningsins og fjárhæðir.

4.Menningarfélag Akureyrar - endurnýjun saminga MH, LA og SN

Málsnúmer 2016120092Vakta málsnúmer

Nú er unnið að endurnýjun samninga við Leikfélag Akureyrar, Menningarfélagið Hof og Sinfóníuhljómsveit Norðurlands sem saman mynda Menningarfélag Akureyrar (MAk). Á sameiginlegum fundi stjórna félaganna var ákveðið að MAk færi með samningsumboð fyrir félögin þrjú. Samþykkt var jafnframt að leggja til við Akureyrarbæ að gerður verði framlengingarsamningur sem gildi út næsta ár sem er síðasta ár þeirrar tilraunar sem rekstur MAk felur í sér. Framkvæmdastjóri Akureyrarstofu hefur unnið að samningsdrögum með framkvæmdastjóra og formanni stjórnar MAk.
Stjórn Akureyrarstofu tekur undir að skynsamlegt sé að gera einn samning sem framlengi alla þrjá til eins árs. Formanni og framkvæmdastjóra falið að ræða við fulltrúa MAk um gerð samningsins.

5.Þrettándagleði Þórs 2017 - styrkbeiðni

Málsnúmer 2016120093Vakta málsnúmer

Erindi dagsett 12. desember 2016 þar sem Valdimar Pálsson framkvæmdastjóri Íþróttafélagsins Þórs, óskar f.h. hönd félagsins, eftir styrk að upphæð kr. 350.000 vegna kostnaðar við Þrettándagleði Þórs í janúar á næsta ári.
Stjórn Akureyrarstofu samþykkir styrk að upphæð kr. 240.000 til verkefnisins.

Fundi slitið - kl. 19:04.