Skólanefnd

10. fundur 30. júní 2014 kl. 14:00 - 16:30 Fundarsalur á 2. hæð í Glerárgötu 26
Nefndarmenn
  • Bjarki Ármann Oddsson formaður
  • Tryggvi Þór Gunnarsson
  • Siguróli Magni Sigurðsson
  • Eva Hrund Einarsdóttir
  • Preben Jón Pétursson
  • Anna María Hjálmarsdóttir áheyrnarfulltrúi
Starfsmenn
  • Árni Konráð Bjarnason rekstrarstjóri
  • Hrafnhildur G Sigurðardóttir leikskólafulltrúi
  • Gunnar Gíslason fræðslustjóri ritaði fundargerð
Dagskrá
Tryggvi Þór Gunnarsson L-lista mætti í forföllum Dagnýjar Þóru Baldursdóttur.
Formaður bauð nefndarmenn velkomna til 1. fundar

Bæjarstjórn hefur á fundi sínum 18. júní 2014 kosið aðal- og varamenn í skólanefnd til fjögurra ára:
Aðalmenn:
Bjarki Ármann Oddsson formaður
Dagný Þóra Baldursdóttir varaformaður
Siguróli Magni Sigurðsson
Eva Hrund Einarsdóttir
Preben Jón Pétursson
Anna María Hjálmarsdóttir áheyrnarfulltrúi

Varamenn:
Pétur Maack Þorsteinsson
Tryggvi Þór Gunnarsson
Ingibjörg Ólöf Isaksen
Hanna Dögg Maronsdóttir
Áshildur Hlín Valtýsdóttir
Inga Sigrún Atladóttir varaáheyrnarfulltrúi

Formaður óskaði eftir samþykki nefndarmanna fyrir því að taka inn á fundinn nýjan dagskrárlið nr. 8 Fræðslustjóri - uppsögn úr starfi. Var það samþykkt.

1.Handbók skólanefndar 2014 - 2018

Málsnúmer 2014060220Vakta málsnúmer

Á fundinum var nefndarmönnum afhent handbók skólanefndar sem inniheldur þau grunngögn sem nauðsynleg eru fyrir nefndarmenn.

Samþykkt var að fundir verði haldnir að jafnaði fyrsta og þriðja mánudag í mánuði kl. 14.00 og að næsti fundur verði haldinn 11. ágúst.

2.Búnaðarkaup fyrir skóla og leikskóla - óskir skóladeildar um aðkomu Fasteigna Akureyrarbæjar að endurnýjun búnaðar

Málsnúmer 2014050129Vakta málsnúmer

Fyrir fundinn var lögð tillaga að skiptingu fjármagns til búnaðarkaupa fyrir leik-, grunn-, og Tónlistarskóla árið 2014.

Skólanefnd samþykkir fyrirliggjandi tillögu og greiðslu á lausafjárleigu vegna kaupanna.

3.Hulduheimar - skólastjóri

Málsnúmer 2014060219Vakta málsnúmer

Fræðslustjóri gerði grein fyrir ráðningarferli í stöðu skólastjóra við leikskólann Hulduheima. Staðan var auglýst í maí 2014. Ein umsókn barst um stöðuna. Við mat á umsækjanda var skráðu ráðningarferli fylgt, tekið var viðtal við umsækjanda og leitað umsagna hjá nokkrum aðilum. Þar sem umsækjandi hefur verið starfsmaður á skóladeild voru utanaðkomandi aðilar fengnir til að sinna ráðningarferlinu og leggja mat á hæfni umsækjanda.
Fræðslustjóri leggur til að tillögu matshóps, að Snjólaug Brjánsdóttir verði ráðin í stöðu skólastjóra leikskólans Hulduheima.

Skólanefnd samþykkir tillöguna fyrir sitt leyti og felur fræðslustjóra að ganga frá ráðningu í samræmi við umræður á fundinum.

4.Dagvistun - ábending um réttarstöðu dagforeldra

Málsnúmer 2014060191Vakta málsnúmer

Erindi dagsett 25. júní 2014 frá stjórn Dagvistar. Þar eru áhyggjur dagforeldra reifaðar vegna þess hve fá börn eru skráð hjá þeim á næsta starfsári. Er óskað eftir viðræðum um endurskoðun á ákvæði í samningi við dagforeldra vegna tryggingagjalds, en það átti að endurskoða að ári liðnu frá undirritun samnings.

Skólanefnd samþykkir í samræmi við gildandi samning um daggæslu í heimahúsum, að endurskoða grein 5 um launatryggingu og aðrar greiðslur. Skólanefnd felur formanni, Evu Hrund Einarsdóttur sem fulltrúa minnihlutans, fræðslustjóra og daggæsluráðgjafa að hafa tal af fulltrúum dagforeldra.

5.Endurskoðun á starfsemi Hlíðarskóla

Málsnúmer 2013120097Vakta málsnúmer

Tillaga var lögð fyrir fundinn um að leggja göngudeildarþjónustu við Hlíðarskóla af og taka upp sambærilega þjónustu við skóladeild.

Skólanefnd samþykkir fyrirliggjandi tillögu.

6.Langtímaáætlun - fræðslumál

Málsnúmer 2013020252Vakta málsnúmer

Lögð fyrir fundinn til kynningar áður samþykkt langtímaáætlun skólanefndar.

7.Menntamál - Hvítbókin

Málsnúmer 2014060181Vakta málsnúmer

Hvítbók um umbætur í menntun hefur verið gefin út af mennta- og menningarmálaráðuneytinu og var lögð fram á fundinum til kynningar.

8.Fræðslustjóri - uppsögn úr starfi

Málsnúmer 2014060018Vakta málsnúmer

Fræðslustjóri Akureyrarbæjar, Gunnar Gíslason hefur með bréfi dagsettu 2. júní 2014 sagt upp starfi sínu með þriggja mánaða fyrirvara. Ástæða uppsagnar er að hann hefur verið kjörinn bæjarfulltrúi á Akureyri.
Skólanefnd þakkar Gunnari fyrir vel unnin störf. Jafnframt óskar skólanefnd eftir því að starfið verði auglýst sem fyrst.

Fundi slitið - kl. 16:30.