Skipulagsráð

Norðurbrú ehf., kynnti fyrirhugaða byggingu hótels á lóð nr. 80 við Hafnarstræti. Halldór Jóhannsson og Sverrir Gestsson mættu frá Norðurbrú ásamt Fanneyju Hauksdóttur arkitekt og kynntu verkefnið.

Erindi dagsett 10. janúar 2017 þar sem Ingólfur Fr. Guðmundsson fyrir hönd Vesturkants ehf., kt. 541008-0630, sækir um breytingu á deiliskipulagi fyrir lóðina nr. 29 við Strandgötu. Óskað er eftir að stækka tengibyggingu milli núverandi húss nr. 29 og reits fyrir nýbyggingu vestan þess. Hámarksvegghæð frá inngönguhæð viðbyggingar verði hækkuð úr 5,85 í 7,0 og þakhalla breytt til samræmis við núverandi hús. Skipulagsráð heimilaði umsækjanda þann 15. febrúar 2017 að leggja fram tillögu að breytingu á deiliskipulagi. Tillagan er dagsett 8. mars 2017 og unnin af Valþóri Brynjarssyni hjá Kollgátu.

Viðbót við fyrra erindi barst 10. mars 2017 þar sem óskað er eftir fjölgun íbúða úr 1 í 5 í fyrirhugaðri viðbyggingu.

Erindi dagsett 23. júní 2016 þar sem Haraldur S. Árnason fyrir hönd Laxagötu ehf., kt. 481214-0680, sækir um breytingu á deiliskipulagi fyrir lóð nr. 26 við Hafnarstræti. Skipulagsráð heimilaði umsækjanda þann 8. mars 2017 að leggja fram tillögu að breytingu á deiliskipulagi. Tillagan er dagsett 15. mars 2017 og unnin af Ómari Ívarssyni hjá Landslagi.

Erindi dagsett 21. september 2016 þar sem Ingólfur Guðmundsson fyrir hönd Björns Birgis Björnssonar sækir um breytingu á deiliskipulagi fyrir Aðalstræti 19. Skipulagsráð heimilaði umsækjanda þann 28. september 2016 að leggja fram tillögu að breytingu á deiliskipulagi. Skipulagsnefnd samþykkti á fundi 25. janúar 2017 að grenndarkynna tillögu að breytingu á deiliskipulagi.

Tillagan var grenndarkynnt frá 2. febrúar með athugasemdafresti til 3. mars 2017.

Tvær athugasemdir bárust:

1) Tryggvi Sveinsson, dagsett 13. febrúar 2017.

Ekki er gerð athugasemd við að reistur verði bílskúr en þá þarf aðgengi að vera frá Aðalstræti. Þó þarf það að vera tryggt að hann verði notaður sem slíkur en ekki túristaskúr. Aðkoma að lóðinni á að vera frá Aðalstræti. Óskað er eftir skýringum af hverju aðgengi er nú frá Duggufjöru.

2) Undirskriftalisti 8 íbúa við Aðalstræti, dagsettur 27. febrúar 2017.

Gerð er athugasemd við byggingu bílskúrs þar sem rekstur gistihúss í Aðalstræti 19 með 8-10 herbergjum og þeirri bílaumferð sem því fylgir, þá er ekki pláss fyrir bílskúr á lóðinni. Að lágmarki þurfa að vera 6 bílastæði. Áhyggjur er uppi um að fyrirhuguð bygging verði nýtt sem aukið gistirými sem enn myndi auka þörf fyrir bílastæði. Verði samt sem áður þessi breyting leyfð er gerð sú krafa að ekki geti verið gistirými í byggingunni. Grenndarkynningin tekur ekki til Aðalstrætis 28 sem þó verður fyrir óþægindum vegna starfseminnar.

Íbúar Aðalstrætis 28 var sýnd grenndarkynningin af nágrönnum og skrifuðu einnig undir undirskriftalistann.

Erindi dagsett 24. janúar 2017 þar sem Rögnvaldur Harðarson fyrir hönd Johan Rönning hf., kt. 670169-5459, leggur inn fyrirspurn hvort leyfi fengist til að byggja viðbyggingu við hús nr. 2 við Draupnisgötu.

Skipulagsráð heimilaði umsækjanda þann 8. febrúar 2017 að leggja fram tillögu að breytingu á deiliskipulagi. Tillagan er dagsett 1. febrúar 2017 og unnin af Rögnvaldi Harðarsyni hjá Rögg teiknistofu.

Erindi dagsett 26. janúar 2017 þar sem Valþór Brynjarsson f.h. Hilmars Gunnarssonar óskar eftir að fá að gera breytingu á deiliskipulagi vegna fyrirhugaðrar viðbyggingar norðan Oddeyrargötu 36. Skipulagsráð heimilaði umsækjanda þann 8. febrúar 2017 að leggja fram tillögu að breytingu á deiliskipulagi. Tillagan er dagsett 1. mars 2017 og unnin af Valþóri Brynjarssyni hjá Kollgátu. Lagðir fram minnispunktar sviðsstjóra skipulagssviðs.

Erindi dagsett 24. febrúar 2017 þar sem Valþór Brynjarsson fyrir hönd Norðureigna ehf., kt. 461195-2029, sækir um breytingu á deiliskipulagi austan Glerárgötu 7. Óskað er eftir að akreinum verði hagrætt þannig að rútur hafi aðstöðu til að hleypa farþegum út við væntanlegt hótel. Meðfylgjandi er mynd.

Erindi dagsett 23. febrúar 2017 þar sem Tryggvi Tryggvason fyrir hönd Byggingarfélagsins Hyrnu ehf., kt. 710594-2019, sækir um breytingu á deiliskipulagi fyrir lóð nr. 2 við Margrétarhaga og lóð nr. 1 við Kristjánshaga. Sótt er um stækkun á lóðunum og að breyta/stækka byggingarreit á lóðinni Margrétarhagi 2 svo hægt sé að koma fyrir tveimur fjórbýlishúsum í stað raðhúss. Meðfylgjandi eru teikningar eftir Tryggva Tryggvason.

Erindi dagsett 6. mars 2017 þar sem Sigríður Magnúsdóttir sækir um stækkun lóðar nr. 9 við Krókeyrarnöf í samræmi við deiliskipulagsbreytingu á reit nr. 28.

Erindi dagsett 9. mars 2017 þar sem Helga Gunnarsdóttir, Helga Ragnarsdóttir og Aðalbjörg Jónsdóttir fyrir hönd Dýralæknaþjónustu Eyjafjarðar, kt. 550798-2049, óska eftir að skilgreind verði lóð fyrir starfsemi dýralæknaþjónustunnar á horni Miðhúsabrautar og Súluvegar.

Erindi móttekið 8. mars 2017 þar sem Þórir Guðmundsson fyrir hönd umhverfis- og mannvirkjasviðs Akureyrarbæjar, kt. 410169-6229, sækir um heimild til að setja farg á lóð Nökkva, landnúmer 173492, við Drottningarbraut. Meðfylgjandi eru teikningar.

Erindi dagsett 6. mars 2017 þar sem Finnur Víkingsson og Kristján Víkingsson fyrir hönd VN fasteigna ehf., kt. 611107-0480, sækja um leyfi fyrir breytingum á 4. hæð í húsi nr. 4 við Hofsbót. Fyrirhugað er að útbúa þrjár íbúðir til útleigu á hæðinni. Meðfylgjandi er fyrirspurnarteikning og samþykki meðeigenda í húsinu.

Erindi dagsett 23. febrúar 2017 þar sem Þröstur Sigurðsson fyrir hönd AJS fasteigna ehf., kt. 420502-2570, sækir um byggingarleyfi fyrir breytingum á skipulagi á 2. hæð. Áætlað er að breyta hluta skrifstofu í íbúðir. Meðfylgjandi eru teikningar eftir Þröst Sigurðsson.

Erindi dagsett 15. febrúar 2016 þar sem Edda Lára Guðgeirsdóttir fyrir hönd eigenda Þórunnarstrætis 123 sendir inn fyrirspurn um byggingu bílskúra á lóðinni Þórunnarstræti 123.

Skipulagnefnd tók erindið fyrir 18. febrúar 2016 og óskaði eftir frekari gögnum.

Innkomin yfirlýsing og skýringarmynd 24. febrúar 2017.

Erindi dagsett 2. mars 2017 þar sem Helgi Valur Harðarson og Valdís Ösp Jónsdóttir leggja inn fyrirspurn hvort líklegt sé að leyfi fáist til að endurskipuleggja rými innanhúss m.a. til að fjölga herbergjum. Áætlað er líka að grafa út úr sökkli og stækka kjallararými ásamt því að setja útihurð á austurhlið kjallara. Meðfylgjandi eru skýringarmyndir.

Erindi dagsett 24. febrúar 2017 þar sem Jakob Jónsson óskar eftir endurúthlutun á lóð nr. 1 við Lundargötu. Jakob fékk lóðina úthlutaða 2014 en lóðin féll aftur til bæjarins. Jakob telur sig ekki hafa fengið tilkynningu um þetta ferli.

Erindi dagsett 28. febrúar 2017 þar sem VAR þróunarfélag ehf., kt. 610515-0370, sækir um lóð nr. 6 við Halldóruhaga. Meðfylgjandi er staðfesting viðskiptabanka.

Erindi dagsett 6. mars 2017 þar sem Baldur Sigurðsson fyrir hönd Árness ehf., kt. 680803-2770, sækir um lóð nr. 12 við Margrétarhaga. Meðfylgjandi er yfirlýsing viðskiptabanka.

Erindi dagsett 28. febrúar 2017 þar sem VAR þróunarfélag ehf., kt. 610515-0370, sækir um lóð nr. 8 við Halldóruhaga. Meðfylgjandi er yfirlýsing viðskiptabanka.

Fundargerð dagsett 23. febrúar 2017. Lögð var fram fundargerð 621. fundar með fullnaðarafgreiðslum erinda. Fundargerðin er í 5 liðum.

Fundargerð dagsett 2. mars 2017. Lögð var fram fundargerð 622. fundar með fullnaðarafgreiðslum erinda. Fundargerðin er í 7 liðum.

Fundargerð dagsett 9. mars 2017. Lögð var fram fundargerð 623. fundar með fullnaðarafgreiðslum erinda. Fundargerðin er í 5 liðum.