Samráðshópur um málefni fatlaðs fólks

"Allir með" verkefnið er komið af stað, Þór og KA vinna þetta saman en það vantar þjálfara. Eik og Akur eru með íþróttir fyrir fatlaða en börn eru ekki mikið innan þeirra raða.

Umræða um það hvernig best sé að beyta sér varðandi hvernig á að virkja fatlað fólk til þátttöku.

Meiri stuðningur við börn núna í beinu samstarfi við íþróttafélögin.

ÍBA er tilbúið til að upplýsa félögin um áhersluatriði varðandi íþróttir fyrir fatlað fólk þannig að fleiri tækifæri skapist.

Birna kynnti það sem er í boði fyrir fatlað fólk. Hjá liðveislunni er m.a. hópliðveisla, einn hópur fyrir konur og verið að skoða hópliðveislu fyrir börn. Salka og Birta eru í boði fyrir alla fatlaða sem ófatlaða 18 ára og eldri. Gæti verið gott að hafa hópa fyrir 18-55 ára. Kom fram að yngri hópurinn hefði dottið mikið út þegar Punkturinn lokaði.

Skiptir máli að starfið sé lifandi og henti fólki með allskonar fatlanir.

Gæti verið jákvætt að hafa eitthvað í boði á kvöldin.


Þroskahjálp á NE lagði fram eftirfarandi bókun:

Þroskahjálp á Norðurlandi Eystra harmar þá staðreynd að ekkert skipulagt félagsstarf sé fyrir fólk með fötlun á Akureyri. Í félagsmiðstöðvunum tveimur hér á Akureyri, Sölku & Birtu er unnið gott starf en um 85% þeirra sem sækja miðstöðvarnar eru eldir borgarar.

Því skorar Þroskahjálp NE á Akureyrarbæ að gefa fullorðnu fólki með fötlun tækifæri til að sækja félagsmiðstöðvarnar á jafningagrundvelli. Það er öllum mikilvægt að tilheyra hópi til þess að samsvara sig og þroska sjálfsmyndina en einnig að uppfylla þörf fyrir félagsleg samskipti sem og að forðast einangrun.



Ennfremur er mikilvægt að börn með fötlun hafi aðgang að félagsmiðstöðvarstarfi skólanna, að stuðningur þar sé til staðar fyrir þau sem það þurfa og í samræmi við Barnasáttmála Sameinuðu þjóðanna sem Akureyrarbær hefur innleitt.

Í honum er meðal annars kveðið á um rétt barna til tómstunda- og skapandi starfs að öll börn og ungmenni eiga rétt á að taka þátt í skipulögðu tómstunda- og félagsstarfi á eigin forsendum. Ekkert skipulagt tómstundastarf er fyrir börn með sérþarfir hér á Akureyri og ekki er gert ráð fyrir að þau taki þátt í því skipulagða starfi sem t.d. félagsmiðstöðvar bæjarins bjóða upp á.

Bókun þessari er vísað til fræðslu- og lýðheilsuráðs..