Samfélags- og mannréttindaráð

Lagður var fram til kynningar upplýsingabæklingur um félagsstarf fyrir eldri borgara og starf á Punktinum á fyrri hluta árs 2016.

Bæklingurinn var borinn í hvert hús á Akureyri í ársbyrjun.

Einnig var rætt um breytingar á félagsstarfi í Víðilundi og rekstarkostnað sem bætist við vegna húsnæðis í Víðilundi þegar dagþjónusta fyrir aldraða er flutt á Hlíð. Aðeins er reiknað með hluta af þessum kostnaði í samþykktri fjárhagsáætlun 2016.

Bergljót Jónasdóttir forstöðumaður tómstundamála sat fundinn undir þessum lið.

Fjárhagsáætlun Akureyrarbæjar fyrir árið 2016 var samþykkt í bæjarstjórn 14. desember sl. Lögð var fram bókun bæjarstjórnar um áherslur við framkvæmd fjárhagsáætlunar. Þar eru ítrekuð tilmæli til stjórnenda um að gæta ýtrasta aðhalds. Einnig hefur bæjarráð sett af stað vinnu og aðgerðarhóp til að leita leiða til sparnaðar í samráði við embættismenn og stjórnendur.

Bergljót Jónasdóttir forstöðumaður tómstundamála sat fundinn undir þessum lið.

Bergþóra Þórhallsdóttir greindi frá starfi í samstarfshópi um örugga netnotkun barna og ungmenna, m.a. frá ráðstefnu um málefnið, sem verið er að undirbúa. Samtaka hefur sótt um styrki vegna verkefnisins og þegar hafa tveir styrkir fengist.

Framkvæmdastjóri greindi frá flutningi Alþjóðastofu úr Ráðhúsi í Rósenborg. Flutningur er vegna framkvæmda í Ráðhúsi. Framtíðarstaðsetning Alþjóðastofu verður metin í tengslum við reynslu af nýrri staðsetningu.

Einnig var lagður fram nýr upplýsingabæklingur Alþjóðastofu.

Framkvæmdastjóri sagði frá áframhaldandi samvinnu við búsetudeild á sviði félagslegrar liðveislu. M.a. verður starfsmaður áfram í Rósenborg með skrifstofu.

Þann 19. janúar sl. komu 23 sýrlenskir flóttamenn til Akureyrar og bættust við íbúa bæjarins. Framkvæmdastjóri sagði frá undirbúningi, móttöku og verkefnum á næstunni. Einnig greint frá tilnefningu í samráðshóp um verkefnið og skipulagi starfs innan bæjarkerfisins og við samstarfsaðila.

Lögð var fram bókun úr 1. lið viðtalstíma bæjarfulltrúa 14. janúar 2016, sem bæjarráð vísaði til samfélags- og mannréttindaráðs á fundi 21. janúar. Í viðtalstímann mættu framkvæmdastjóri, formaður og gjaldkeri KFUM og KFUK til að ræða stuðning Akureyrarbæjar við starfið.

Lagðar voru fram upplýsingnar um núgildandi reglur og styrkveitingar og samninga, ásamt viðmiðum sem ráðið hefur notað til afgreiðslu mála. Einnig voru lagðar fram upplýsingar um fjármál og samninga sem nú eru í gildi, eða unnið að.