Fjárhagsáætlun 2024

Umhverfis- og mannvirkjaráð samþykkir framlagða húsaleiguáætlun.

Umhverfis- og mannvirkjaráð leggur til að talin verði upp fleiri verkefni tengd umhverfis- og loftslagsstefnu Akureyrarbæjar og Mannréttindastefnu Akureyrarbæjar í starfsáætlunum sviðsins og leggur til að farið verði yfir það á næsta fundi.


Umhverfis- og mannvirkjaráð tekur vel í fjárhagsáætlanir sviðsins og lýsir yfir ánægju með áætlað fjármagn í viðhald fasteigna og leiguíbúða Akureyrarbæjar. Ráðið leggur einnig til að rammi í 110 Götur og stígar hækki um 12% en ekki 6% vegna ýmissa þátta svo sem verðbólgu, launahækkana, uppsafnaðra viðhaldsþarfa, sjóvarna og stækkunar bæjarins.


Starfs- og fjárhagsáætlun verður áfram rædd á næsta fundi ráðsins þann 17. október 2023.

Andri Teitsson L-lista og Einar Þór Gunnlaugsson M-lista samþykkja starfs- og fjárhagsáætlanir fyrir sitt leyti og vísa þeim til afgreiðslu í bæjarráði.


Hilda Jana Gísladóttir S-lista og Óskar Ingi Sigurðsson B-lista sitja hjá.


Hilda Jana Gísladóttir S-lista, Jana Salóme Ingibjargar Jósepsdóttir V-lista og Óskar Ingi Sigurðsson B-lista óska bókað:

Framkvæmdaáætlun liggur ekki fyrir og starfs- og fjárhagsáætlanir eru ekki fullgerðar í einhverjum tilfellum. Þess utan hefur ekki verið samþykkt aðgerðaáætlun í umhverfis- og loftslagsmálum og því erfitt að átta sig á því hvaða verkefnum á að sinna á næsta ári. Þar af leiðandi er varla hægt að taka afstöðu til starfs- og fjárhagsáætlana þegar heildarmyndin liggur enn ekki fyrir.

Bæjarráð vísar fjárhags- og starfsáætlun umhverfis- og mannvirkjaráðs til fyrri umræðu um fjárhagsáætlun í bæjarstjórn.