SVA - sala auglýsinga á strætisvagna í eigu Akureyrarbæjar

Umhverfis- og mannvirkjaráð felur sviðsstjóra að móta reglur og verðskrá um auglýsingar á strætisvagna í eigu Akureyrarbæjar og leggja fyrir næsta fund.

Umhverfis- og mannvirkjaráð felur sviðsstjóra að vinna áfram að málinu í samræmi við umræður á fundinum og leggja reglurnar aftur fyrir ráðið á fundi þann 16. júní 2017.

Umhverfis- og mannvirkjaráð felur sviðsstjóra og forstöðumanni Umhverfismiðstöðvar að klára útboðsgögnin miðað við umræður á fundinum.

Umhverfis- og mannvirkjaráð samþykkir að fara í útboð samkvæmt framlögðum gögnum.

Umhverfis- og mannvirkjaráð samþykkir að nýta auglýsingarýmið einungis fyrir Akureyrarbæ og fyrirtæki hans.

Bent er á að Strætisvagnar Akureyrar eru fyrirtæki í almannaþágu og tilgangurinn með rekstri þeirra er að veita íbúum hagkvæma þjónustu við að komast á milli staða í bænum auk þess að minnka álag á samgöngukerfið, stuðla að heilbrigðum lífsstíl og minni mengun. Þess vegna er horft eftir því að auglýsingar sem styðja við svipuð sjónarmið, lýðheilsu o.þ.h. sitji fyrir öðrum. Óskað er eftir að auglýsingum sem þykja vinna gegn ofantöldum sjónarmiðum sé hafnað eða beint í jákvæðari farveg.

Umhverfis- og mannvirkjaráð samþykkir að opna fyrir að einkaaðilar kaupi auglýsingar á strætisvagna og biðskýli enda standist það að öðru leyti samþykktar reglur um auglýsingar á strætisvagna Akureyrarbæjar.