Umhverfis- og mannvirkjaráð

Umhverfis- og mannvirkjaráð felur sviðsstjóra að forgangsraða þeim verkum sem eftir eru til að ljúka framkvæmdum við stíginn.

Umhverfis- og mannvirkjaráð samþykkir beiðni frá Bergmönnum ehf um leyfi fyrir þyrluskíðaferðum á Glerárdal. Ráðið gerir fyrirvara um að farið verði eftir reglugerðum er gilda um vatnsverndarsvæði og að leyfið verði veitt tímabundið til eins árs.

Hermann Ingi Arason V-lista óskar bókað: VG leggst alfarið gegn því að þyrluflug verði heimilað um fólkvanginn á Glerárdal.

Meirihluti umhverfis- og mannvirkjaráðs samþykkir tillögu B að nýjum reiðstíg samkvæmt framlögðum gögnum.

Þorsteinn Hlynur Jónsson Æ-lista sat hjá við afgreiðslu.

Umhverfis- og mannvirkjaráð felur sviðsstjóra að móta reglur og verðskrá um auglýsingar á strætisvagna í eigu Akureyrarbæjar og leggja fyrir næsta fund.

Meirihluti umhverfis- og mannvirkjaráðs samþykkir að framkvæmdir við endurbætur á Listasafninu verði settar í útboð.



Gunnar Gíslason D-lista greiddi atkvæði á móti og óskar bókað:

Það vekur furðu mína hve kostnaðaráætlun hefur hækkað mikið, eða um 140 milljónir, þar sem fullyrt var af meirihlutanum á sínum tíma að kostnaðurinn yrði ekki hærri en 400 milljónir. Þessi niðurstaða styrkir þá skoðun mína að ekki eigi að tengja Mjólkusamlagið við Ketilhúsið. Með því að falla frá þeirri áætlun má lækka árlegan rekstrarkostnað vegna fasteigna um tug ef ekki tvo tugi milljóna sem ég myndi miklu frekar vilja sjá í auknu listastarfi í bænum.

Umhverfis- og mannvirkjaráð samþykkir að almenningssalernin við Kaupvangsstræti og húseignin Hafnarstræti 73-75 verði sett í söluferli. Einnig er samþykkt að sótt verði um leyfi til að rífa hlöðuna að Naustum.

Umhverfis- og mannvirkjaráð samþykkir kauptilboðið og vísar því til samþykktar í bæjarráði.