Bæjarstjórn

Lögð fram tillaga V-lista um breytingu á skipan aðaláheyrnarfulltrúa og varaáheyrnarfulltrúa í íþróttaráði:
Dýrleif Skjóldal tekur sæti aðaláheyrnarfulltrúa í stað Örvars Sigurgeirssonar.
Örvar Sigurgeirsson tekur sæti varaáheyrnarfulltrúa í stað Dýrleifar Skjóldal.

2. liður í fundargerð skipulagsnefndar dags. 12. febrúar 2014:
Skipulagsstjóri lagði fram tillögu að breytingu á Aðalskipulagi Akureyrar 2005-2018 dags. 12. febrúar 2014 og unna af Árna Ólafssyni arkitekt hjá Teiknistofu Arkitekta, Gylfa Guðjónssyni og félögum ehf, vegna 3. áfanga Naustahverfis, Hagahverfis.
Tekið hefur verið tillit til athugasemda sem fram komu í umsögn Skipulagsstofnunar dags. 7. febrúar 2014 um samantekt forsendna í tillögunni og þeim texta komið fyrir á uppdrætti.
Skipulagsnefnd leggur til við bæjarstjórn að tillagan verði auglýst skv. 31. gr. skipulagslaga nr. 123/2010.

3. liður í fundargerð skipulagsnefndar dags. 12. febrúar 2014:
Skipulagsstjóri lagði fram tillögu að deiliskipulagi 3. áf. Naustahverfis, Hagahverfis, unna af Árna Ólafssyni arkitekt hjá Teiknistofu Arkitekta, Gylfa Guðjónssyni og félögum ehf.
Deiliskipulagstillögunni eru gerð skil á skipulagsuppdrætti, skýringaruppdrætti, í greinargerð og í umhverfisskýrslu dags. 12. febrúar 2014. Með tillögunni fylgir hljóðskýrsla frá verkfræðistofunni EFLU dags. 12. febrúar 2014.
Einnig er lagður fram breytingaruppdráttur af Naustahverfi, reit 28, dags. 12. febrúar 2014 vegna skörunar á afmörkun skipulaga.
Skipulagsnefnd leggur til við bæjarstjórn að deiliskipulagstillagan ásamt breytingartillögunni verði auglýst skv. 41. gr. skipulagslaga nr. 123/2010.

4. liður í fundargerð skipulagsnefndar dags. 12. febrúar 2014:
Skipulagsstjóri lagði fram tillögu að breytingu á deiliskipulagi miðbæjarins, unna af Loga Má Einarssyni arkitekt frá Kollgátu ehf og Ómari Ívarssyni og Ingvari Ívarssyni frá Landslagi ehf.
Breytingartillögunni eru gerð skil á skipulagsuppdrætti, skýringaruppdrætti, lóðarmarkauppdrætti, í greinargerð og í umhverfisskýrslu, dags. 12. febrúar 2014. Húsakönnun af núverandi byggð er í vinnslu en mun liggja frammi á auglýsingartíma.
Með tillögunni fylgir minnisblað um hljóðvist við Glerárgötu frá verkfræðistofunni EFLU dags. 8. desember 2008 og minnisblað um umferðartalningu, umferðarspár og þversnið dags. 15. september 2009.
Svar Skipulagsstofnunar vegna samráðs um umfang og nákvæmni upplýsinga er fram koma í umhverfisskýrslu vegna deiliskipulags miðbæjar Akureyrar, sem sent var 3. febrúar 2014 hefur ekki borist en óskað var eftir svari fyrir 10. febrúar 2014.
Skipulagsnefnd leggur til við bæjarstjórn að deiliskipulagstillagan verði auglýst skv. 41. gr. skipulagslaga nr. 123/2010.

5. liður í fundargerð skipulagsnefndar dags. 12. febrúar 2014:
Skipulagsstjóri lagði fram tillögu að deiliskipulagi vegna fyrirhugaðrar virkjunar Glerár og byggingar stöðvarhúss í Réttarhvammi, unna af Ómari Ívarssyni og Ingvari Ívarssyni frá Landslagi ehf.
Deiliskipulagstillögunni eru gerð skil á skipulagsuppdráttum, skýringaruppdráttum, í greinargerð og í umhverfisskýrslu dags. 12. febrúar 2014.
Skipulagsnefnd leggur til við bæjarstjórn að deiliskipulagstillagan verði auglýst skv. 41. gr. skipulagslaga nr. 123/2010.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta bæjarstjórnarfundi.