Bæjarráð

Erindi dags. 6. desember 2010 frá formanni fræðslunefndar Akureyrarbæjar þar sem óskað er eftir upplýsingum um framtíð námsstyrkjasjóða embættismanna og sérmenntaðra starfsmanna.
Inga Þöll Þórgnýsdóttir bæjarlögmaður og Halla Margrét Tryggvadóttir starfsmannastjóri sátu fundinn undir þessum lið.

Lagt fram samkomulag um kjarasamningsumboð Akureyrarbæjar til SNS f.h. Sambands íslenskra sveitarfélaga við SFR - Stéttarfélag í almannaþjónustu.
Halla Margrét Tryggvadóttir starfsmannastjóri sat fundinn undir þessum lið.

Halla Margrét Tryggvadóttir starfsmannastjóri lagði fram lista yfir starfsmenn sveitarfélagsins sem ekki hafa verkfallsheimild skv. lögum um opinbera starfsmenn.

Fulltrúar hverfisráðs Hríseyjar forfölluðust og komust ekki til fundarins.
Bæjarstjóri gerði grein fyrir stöðu heilsugæslumála í Hrísey. Heilsugæslustöðin á Dalvík hefur ákveðið að hætta þjónustu í Hrísey.
Bæjarstjóri og framkvæmdastjóri Heilsugæslustöðvarinnar á Akureyri eru að vinna áfram að málinu.

6. liður í fundargerð umhverfisnefndar dags. 20. janúar 2011:
Rætt um útboð á sorphirðu fyrir stofnanir og fyrirtæki Akureyrarkaupstaðar.
Töluvert er um að stofnanir bæjarins flokki úrgang að einhverju eða öllu leyti.
Umhverfisnefnd leggur til að allar stofnanir og fyrirtæki Akureyrarkaupstaðar taki upp flokkun á úrgangi sem fellur til við starfsemi þeirra. Flokka skal endurvinnanlegan úrgang og lífrænt sorp. Óendurvinnanlegum úrgangi, sem fer til urðunar, skal halda í lágmarki. Við breytt fyrirkomulag sorphirðu í bænum og í anda Staðardagskrár 21 er mikilvægt að sveitarfélagið sé þátttakandi og sýni gott fordæmi. Lagt er til að innleiðing nýs fyrirkomulags verði lokið á árinu 2011.
Umhverfisnefnd vísar málinu til bæjarráðs.

Lagt fram til kynningar minnisblað dags. 20. janúar 2011 frá Jóni Heiðari Daðasyni húsnæðisfulltrúa um stöðu biðlista eftir leiguhúsnæði hjá Akureyrarbæ 31. desember 2010.

Dan Jens Brynjarsson fjármálastjóri óskar eftir heimild til að kaupa íbúðina í Múlasíðu 5e og breyta henni í leiguíbúð.
Oddur Helgi Halldórsson L-lista og Geir Kristinn Aðalsteinsson L-lista viku af fundi við umræðu og afgreiðslu málsins vegna tengsla.
Ólafur Jónsson D-lista, aldursforseti, stjórnaði fundi undir þessum lið.

Lagt fram bréf dags. 10. desember 2010 og tölvupóstur dags. 24. janúar 2011 frá Ólöfu Ýrr Atladóttur ferðamálastjóra þar sem óskað er eftir fjárstuðningi vegna Vestnorden ferðamálakaupstefnunnar sem haldin var á Akureyri á síðastliðnu ári.

Dan Jens Brynjarsson fjármálastjóri upplýsti um fund innanríkisráðherra varðandi væntanlegar framkvæmdir við Vaðlaheiðargöng.