Bæjarráð

Bæjaráð samþykkir framlögð drög að vinnuferli og tímaáætlun vegna fjárhagsáætlunar með þeim breytingum sem gerðar voru á fundinum.

Gengið var frá viljayfirlýsingu milli Brynju og Akureyrarbæjar um stækkun eignasafnsins á Akureyri um 32 íbúðir á árunum 2022 til 2026. Bæjarráð fagnar því að uppbygging á leiguíbúðum er að ganga eftir eins og lagt var upp með og að stofnframlög fyrir um 10 íbúðir verði nýtt á þessu ári.

Bæjarráð þakkar Ingvari Sverrissyni og Reinhard Reynissyni fyrir komuna á fundinn.

Nú liggur fyrir að undirbúningur er hafinn við úthlutun á byggingarlóð á þessu svæði og í því ljósi getur bæjarráð ekki framlengt stöðuleyfi nema til þess tíma er framkvæmdir geta hafist. Bæjarráð samþykkir því að framlengja stöðuleyfi leigubílastöðvar til 1. febrúar 2024 og felur bæjarstjóra að ræða við stjórnendur BSO.

Hilda Jana Gísladóttir situr hjá.

Hilda Jana Gísladóttir S-lista og Jana Salóme Ingibjargar Jósepsdóttir V-lista óska bókað:

Það er miður að Akureyrarbær sé enn ekki búinn að ljúka þeim undirbúningi sem þarf til að hefja uppbyggingu og bæta aðgengi og umferðaröryggi á svæðinu.

Bæjarráð samþykkir samstarfssamninginn og vísar honum til staðfestingar í bæjarstjórn.

Bæjarráð samþykkir að veita Menningarfélagi Akureyrar viðbótarframlag að fjárhæð kr. 3.000.000 og felur sviðsstjóra fjársýslusviðs að útbúa viðauka vegna málsins.

Hlynur Jóhannsson situr hjá.

Jana Salóme Ingibjargar Jósepsdóttir V-lista óskar bókað:

Ég fagna því að bæjarráð veiti viðbótarframlag til Menningarfélags Akureyrar. Mér finnst þó miður að ekki hafi verið hægt að verða við ósk Menningarfélags Akureyrar um viðbótarframlag að upphæð kr. 4.000.000, en beiðnin var vel rökstudd og forsendur hennar skýrar.

Bæjarráð felur forstöðumanni atvinnu- og menningarmála að útbúa drög að samningi við Ferðamálafélag Hríseyjar í samræmi við umræður á fundinum og leggja fyrir bæjarráð.