Bæjarráð

Bæjarráð vísar fjárhagsáætlun 2023-2026 til fyrri umræðu í bæjarstjórn.

Hilda Jana Gísladóttir S-lista og Jana Salóme Ingibjargar Jósepsdóttir V-lista óska bókað:

Við erum ósammála þeirri forgangsröðun sem sett er fram í framkvæmdaáætlun, auk þess sem við teljum að í fjárhagsáætlun sé ekki næg áhersla lögð á hagsmuni barnafjölskyldna, eldri borgara og tekjulægri hópa.

Bæjarráð samþykkir gjaldskrá Hlíðarfjalls fyrir sitt leyti og vísar henni til afgreiðslu í bæjarstjórn.

Bæjarráð samþykkir samninginn og felur Ásthildi Sturludóttur bæjarstjóra að undirrita hann fyrir hönd bæjarins.

Sunna Hlín Jóhannesdóttir B-lista og Jana Salóme Ingibjargar Jósepsdóttir V-lista leggja áherslu á að áður en farið er í framkvæmdir á íþróttamannvirkjum sé rekstur og reglulegt viðhald kostnaðargreint. Um leið fagna þær þeim áfanga sem náðist með tímabærri uppbyggingu á félagssvæði Nökkva enda snýr þessi gagnrýni ekki að uppbyggingunni sjálfri heldur að þessi útreikningur hafi ekki legið fyrir fyrirfram. Þetta eru ekki einskiptisaðgerðir heldur aukinn rekstrarkostnaður til framtíðar. Bæjarfulltrúar óska eftir því að útreikningar á rekstri og reglulegu viðhaldi á uppbyggingu í skautahöll og á KA svæði verði lagðir fyrir bæjarráð og í framhaldinu verði lögð fyrir kostnaðaráætlun um rekstur á þeim íþróttamannvirkjum sem ætlað er að fara í á kjörtímabilinu.

Bæjarráð samþykkir að gerður verði viðauki við áætlun ársins 2022 vegna málsins og felur sviðsstjóra fjársýslusviðs að vinna viðaukann.

Akureyrarbær hefur verið dyggur stuðningsaðili Air 66N verkefnisins frá upphafi. Markmið flugklasans hefur verið að koma á beinu millilandaflugi um Akureyrarflugvöll allt árið um kring. Töluverður árangur hefur náðst í því átaki, en ljóst að áfram þarf að sinna því verkefni. Bæjarráð telur farsælla að stuðningur verði í gegnum sameiginlegan stuðning sveitarfélaga og fyrirtækja á svæðinu við Markaðsstofu Norðurlands. Bæjarráð felur því bæjarstjóra að gera sólarlagssamning um árin 2022 og 2023 og leggja fyrir bæjarráð.