Bæjarráð

Fjármálasvið.

Dan Jens Brynjarsson fjármálastjóri kynnti tillögur um skipulag fjársýslusviðs.

Stjórnsýslusvið.

Halla Margrét Tryggvadóttir starfsmannastjóri kynnti tillögur um skipulag stjórnsýslusviðs.

Einnig lagði hún fram tillögu um að reglur Akureyrarbæjar um greiðslu stjórnendaálags verði endurskoðaðar m.t.t. stjórnsýslubreytinga sem taka gildi um áramót.

Lagðar fram tillögur að samþykktum fyrir eftirtaldar nefndir: Bæjarráð, frístundaráð, fræðsluráð, skipulagsráð, stjórn Akureyrarstofu, umhverfis- og mannvirkjaráð og velferðarráð.

Lögð fram tillaga að endurskoðaðri Samþykkt um stjórn og fundarsköp Akureyrarkaupstaðar.

Lögð fram tillaga að álagningu fasteignagjalda á árinu 2017.

Dan Jens Brynjarsson fjármálastjóri sat fund bæjarráðs undir þessum lið.

Lögð fram tillaga að reglum um afslátt elli- og örorkulífeyrisþega af fasteignaskatti 2017.

Dan Jens Brynjarsson fjármálastjóri sat fund bæjarráðs undir þessum lið.

Lögð fram til kynningar stefna Snorra Óskarssonar á hendur Akureyrarkaupstað.

2. liður í fundargerð atvinnumálanefndar dagsett 23. nóvember 2016:

Farið yfir stöðu mála varðandi stofnun frumkvöðlaseturs á Akureyri.

Atvinnumálanefnd styður heilshugar við frumkvöðlastarfsemi á Akureyri og óskar eftir að bæjarráð ræði möguleikann á stofnun frumkvöðlaseturs.

Erindi dagsett 24. nóvember 2016 frá Baldvini Valdemarssyni verkefnastjóra fyrir hönd undirbúningshóps um Atvinnu- og nýsköpunarhelgina á Akureyri. Í erindinu er óskað eftir 500.000 kr. styrk vegna Atvinnu- og nýsköpunarhelgarinnar á Akureyri sem haldin verður í sjötta sinn 3.- 5. febrúar nk.

7. liður í fundargerð velferðarrráðs dagsett 21. desember 2016:

Lögð fram drög að samningi við velferðarráðuneyti um öryggisvistunarúrræði sem gildir fyrir árið 2016.

Velferðarráð samþykkir fyrir sitt leyti framlögð drög og vísar þeim til umfjöllunar í bæjarráði.

Tekið fyrir að nýju, áður á dagskrá bæjarráðs 24. nóvember 2016:

2. liður í fundargerð bæjarstjórnar dagsett 21. júní 2016:

Sóley Björk Stefánsdóttir V-lista lagði fram eftirfarandi tillögu að bókun:

Bæjarstjórn Akureyrar samþykkir að fela bæjarráði að kostnaðargreina og skilgreina tilraunaverkefni um styttingu vinnutíma án launaskerðingar og leggja niðurstöður fyrir bæjarstjórn fyrir árslok 2016.

Bæjarstjórn samþykkir framlagða bókun með 11 samhljóða atkvæðum.

Bæjarráð fól bæjarstjóra á fundi sínum 2. júní sl. að koma vinnu við úrbótaverkefni aðgerðahóps um framtíðarrekstur Akureyrarbæjar til framkvæmda. Lagt var fram minnisblað starfshóps vegna styrkveitinga Akureyrarbæjar.

6. liður í fundargerð velferðarráðs dagsett 21. desember 2016:

Áður á dagskrá á fundi velferðarráðs þann 14. nóvember sl.

Við afgreiðslu breytinga á gjaldskrá í bæjarstjórn þann 13. desember sl. var eftirfarandi bókun samþykkt: "Meirihluti bæjarstjórnar samþykkir framlagða gjaldskrá en vísar gjaldi á aðstoð við almenn heimilisstörf og heimsendingu matar aldraðra til endurskoðunar í velferðarráði með það að markmiði að draga úr hækkun ásamt því að leggja fram tillögur um hvernig lækkun tekna verði mætt innan málaflokksins".

Velferðarráð leggur til að hækkun gjalds fyrir heimsendan mat miðist við hækkun innkaupsverðs og verði kr. 1.205 (4,8%) og að hækkun gjalds fyrir heimaþjónustu miðist við áætlaða hækkun launakostnaðar og verði kr. 1.256 (4,7%). Jóni Hróa Finnssyni framkvæmdastjóra búsetudeildar er falið að vinna tillögu að leiðum til að mæta lækkun tekna. Velferðarráð vísar tillögunni áfram til bæjarráðs.

Lögð fram fundargerð viðtalstíma bæjarfulltrúa dagsett 15. desember 2016.

Lagðar fram fundargerðir hverfisnefndar Holta- og Hlíðahverfis nr. 94, 95, 96 og 97 dagsettar 6. september, 4. október, 6. nóvember og 8. desember 2016.