Bæjarráð

Bæjarráð vísar tillögum aðgerðarhópsins með þeim breytingum sem gerðar voru á fundinum til nefnda og felur bæjarstjóra að koma vinnu við úrbótaverkefni aðgerðarhópsins til framkvæmda.

Þá samþykkir bæjarráð að tillögur aðgerðarhópsins verði gerðar aðgengilegar íbúum á vef bæjarins.

Ennfremur samþykkir bæjarráð að kostnaður vegna verkefnisins verði birtur þegar hann liggur endanlega fyrir en gert var ráð fyrir 12 milljónum króna í fjárhagsáætlun vegna vinnunnar.

Bæjarráð felur fjármálastjóra að fullvinna tekjuáætlun og fjárhagsramma í samræmi við umræður á fundinum og legga fram á næsta fundi bæjarráðs.

Bæjarráð felur fjármálastjóra að skoða breytingar á reglum um sérstakar húsaleigubætur í samræmi við umræður á fundinum.

Bæjarráð skorar á ríkisstjórn og Alþingi að leggja nú þegar fjármagn til þess að ljúka flutningi á efni sem til fellur úr Vaðlaheiðargöngum í flughlað við Akureyrarflugvöll. Efnið sem kemur úr göngunum er mjög hentugt sem burðarlag undir flughlað, auk þess sem það kostar ríkið ekkert annað en flutning á svæðið. Það er ljóst að ef þetta tækifæri verður ekki nýtt, mun kostnaður við flughlaðið aukast verulega, þar sem sækja verður efni um lengri veg og greiða fyrir. Það má því fullyrða að það sé í raun samfélagslega óábyrgt að bregðast ekki við nú þegar. Þetta er þeim mun alvarlegra þegar horft er til þess að ríkið í gegnum ISAVIA er að setja tugi milljarða í uppbyggingu á millilandaflugvöllinn á Miðnesheiði. Bent hefur verið á það í fjölmiðlum að stærra flughlað við Akureyrarflugvöll er öryggisatriði í ört vaxandi flugumferð til og við Ísland, þar sem Akureyrarflugvöllur er einn af þremur varaflugvöllum fyrir millilandaflug. Þá skiptir stækkun flughlaðsins miklu máli fyrir uppbyggingu á starfsemi sem tengist flugi til og frá Akureyri og er það ótæk staða að þessi starfsemi þurfi að flytja úr landi vegna aðstöðuleysis.

Að mati bæjarráðs verður ekki unað við að ekkert verði gert og vísar allri ábyrgð á hendur ríkisvaldinu ef ekki verður brugðist við nú þegar og fjármunir tryggðir til að flytja efnið úr göngunum í flughlaðið.

Bæjarráð samþykkir að veita tvær milljónir króna til kaupa á búnaði til að bæta netsamband við Grímsey og er bæjarstjóra falið að ganga frá málinu.

Bæjarráð lýsir ánægju sinni með þessa vinnu.

Bæjarráð samþykkir samkomulagið.

Bæjarráð lýsir ánægju sinni með verkefnið.

Bæjarráð samþykkir styrk að upphæð kr. 50.000 sem er í samræmi við venju og verður tekinn af liðnum styrkveitingar bæjarráðs.

Bæjarráð vísar 3. lið a til bæjarstjóra, 3. lið b til hafnarstjóra, 4. og 6. lið til framkvæmdadeildar, 5 lið til íþróttafulltrúa 1., 2., 8. og 9. liður eru í vinnslu í bæjarráði, 7. liður er lagður fram til kynningar í bæjarráði.