FabLab Akureyri

Lagður fram samningur vegna stofnunar Hollvinasamtaka Fabey, en tilgangur félagsins er er að koma á fót og reka stafræna smiðju, FabLab í Eyjafirði. Með rekstri á stafrænni smiðju FabLab í Eyjafirði er stefnt á að auka þekkingu skólafólks og almennings á persónumiðaðri framleiðslu og stafrænum framleiðsluaðferðum. Verkefninu er ætlað að auka áhuga á verk- og tækninámi í grunn- og framhaldsskólum, auka almennt tæknilæsi og tæknivitund og efla hæfni til nýsköpunar í námi og atvinnulífi. Markmið verkefnisins er enn fremur að skapa vettvang fyrir nýsköpun og efla samkeppnishæfni fyrirtækja, menntastofnana og nemenda.

2. liður í fundargerð atvinnumálanefndar dagsett 21. október 2015:

Lagður fram samningur vegna stofnunar Hollvinasamtaka Fabey, en tilgangur félagsins er er að koma á fót og reka stafræna smiðju, FabLab í Eyjafirði. Með rekstri á stafrænni smiðju FabLab í Eyjafirði er stefnt á að auka þekkingu skólafólks og almennings á persónumiðaðri framleiðslu og stafrænum framleiðsluaðferðum. Verkefninu er ætlað að auka áhuga á verk- og tækninámi í grunn- og framhaldsskólum, auka almennt tæknilæsi og tæknivitund og efla hæfni til nýsköpunar í námi og atvinnulífi. Markmið verkefnisins er enn fremur að skapa vettvang fyrir nýsköpun og efla samkeppnishæfni fyrirtækja, menntastofnana og nemenda.

Atvinnumálanefnd leggur til við bæjarstjórn að Akureyrarbær taki þátt í stofnun Hollvinasamtaka Fabey.

Lagður fram til umfjöllunar og samþykktar samningur við Fabey um rekstur FabLab í Eyjafirði.

3. liður í fundargerð atvinnumálanefndar dagsett 25. maí 2016:

Lagður fram til umfjöllunar og samþykktar samningur við Fabey um rekstur FabLab í Eyjafirði.

Atvinnumálanefnd samþykkir framlagðan samning með þeim breytingum sem gerðar voru á fundinum og vísar honum til kynningar í bæjarráði.

Atvinnumálanefnd fagnar þeim áfanga sem nú er að nást með stofnun FabLab í Verkmenntaskólanum á Akureyri.

Verkefnastjóri atvinnumála fór yfir stöðu mála vegna FabLab Akureyri.

Erindi dagsett 21. september 2018 frá Sigríði Huld Jónsdóttur formanni stjórnar FabEY þar sem óskað er eftir áframhaldandi stuðningi Akureyrarbæjar við FabLab smiðju sem staðsett er í húsnæði VMA. Samningur um verkefnið rennur út um nk. áramót og er óskað eftir endurnýjun á samningi fyrir næstu þrjú ár.

Kynning á FabLab smiðjunni.

Jón Þór Sigurðsson verkefnastjóri FabLab smiðjunnar og Benedikt Barðason aðstoðarskólastjóri VMA tóku á móti stjórninni í húsakynnum FabLab smiðjunnar og kynntu starfsemina.

Erindi dagsett 21. september 2018 frá Sigríði Huld Jónsdóttur formanni stjórnar FabEY þar sem óskað er eftir áframhaldandi stuðningi Akureyrarbæjar við FabLab smiðju sem staðsett er í húsnæði VMA. Samningur um verkefnið rennur út um nk. áramót og er óskað eftir endurnýjun á samningi fyrir næstu þrjú ár. Jafnframt er óskað eftir að framlag Akureyrarbæjar hækki um 1 m.kr. frá og með árinu 2019.

Lögð fram til samþykktar drög að endurnýjuðum samningi um stuðning Akureyrarbæjar við rekstur FabLab-smiðjunnar á Akureyri.

Liður 3 í fundargerð stjórnar Akureyrarstofu dagsettri 29. nóvember 2018:

Lögð fram til samþykktar drög að endurnýjuðum samningi um stuðning Akureyrarbæjar við rekstur FabLab-smiðjunnar á Akureyri.

Stjórn Akureyrarstofu samþykkir drögin fyrir sitt leyti og vísar þeim til bæjarráðs.