Vinna við nýja sorphirðukerfið gengur vel. Þessi hverfi eru næst á dagskrá

Vinna við að skipta út sorpílátum við öll heimili á Akureyri gengur að mestu leyti vel. Þau hverfi sem teljast búin eru Síðuhverfi, Giljahverfi, Hlíðarhverfi, Holtahverfi og Oddeyri. Gerðahverfi er langt komið. Samkvæmt áætlun er Norður-Brekkan næst á dagskrá, þá Lundahverfið, Suður-Brekkan, Miðbær, Innbær, Naustahverfi og Hagahverfi, í þessari röð.

Nýrri byggingar, eins og í Hagahverfi, eru betur hannaðar en þær eldri með tilliti til sorphirðumála og því má gera ráð fyrir að innleiðing á nýja kerfinu gangi hratt fyrir sig þar.  

Sveitarfélaginu er nú lögum samkvæmt skylt að gera íbúum kleift að flokka í fernt við heimili sín og er þar um að ræða blandaðan úrgang, lífrænan úrgang, pappír og plast. Almenna reglan er sú að þrjár tunnur verða við hvert heimili; ein tvískipt fyrir blandaðan úrgang og matarleifar, önnur fyrir pappír og pappa og sú þriðja fyrir plast.

Allar nánari upplýsingar um nýju sorpílátin er að finna hér.