Umhverfis- og mannvirkjasvið fyrir hönd Akureyrarbæjar óskar eftir tilboðum í byggingu á nýrri steinsteyptri, eftirspenntri göngubrú yfir Glerá, um 50 metrum ofan við núverandi vegbrú á Hörgárbraut, stígagerð fyrir aðliggjandi göngu- og hjólastíga ásamt gangbraut yfir Borgarbraut til móts við Glerártorg.
Jafnframt er um að ræða byggingu jöfnunarstöðvar fyrir Strætisvagna Akureyrar sem felur í sér biðskýli sem er að mestu byggt úr steypu og stáli sem og þjónustuhúsnæði sem hýsir kaffi- og salernisaðstöðu fyrir starfsfólk, almenningssalerni sem og tæknirými, auk þess skal bílaplani fyrir Strætisvagna Akureyrar og landsbyggðarstrætó sem og „sleppistæði“ við svæðið.
Útboðsgögn verða afhent rafrænt á útboðsvef Akureyrarbæjar frá og með miðvikudeginum 26. mars 2025.
Vinsamlegast athugið að nauðsynlegt er að skrá sig inn með rafrænum skilríkjum þess sem kemur til með að undirrita tilboðið rafrænt fyrir hönd fyrirtækisins, ekki er hægt að notast við Íslykil.
Hægt er að nálgast útboðsgögnin með því að smella HÉR!
Útboðsgögnin eru aðgengileg sjálfvirkt inn á þjónustugáttinni eftir að búið er að sækja um gögnin og eru þess vegna ekki send til bjóðanda sérstaklega.
Bjóðendum er boðið til kynningarfundar í Ráðhúsi Akureyrarbæjar 4. hæð þann 9. apríl 2025 kl. 13:00
Tilboðum skal skila rafrænt á útboðsvef Akureyrarbæjar eigi síðar en þann 15. maí 2025 kl. 11:00
