Hlíðarbraut 4 - Sala byggingarréttar

Akureyrarbær leitar eftir kauptilboðum í byggingarrétt lóðarinnar Hlíðarbraut 4.

Um er að ræða 6.415 m² verslunar- og þjónustulóð þar sem byggja má atvinnuhúsnæði í 4-5 hæða byggingum auk bílakjallara. Byggingarmagn ofanjarðar er 7.687 m² og 2.562 m² neðanjarðar (kjallari/bílakjallari).

Úthlutunar- og útboðsskilmála auk annarra gagna sem varða lóðina með nálgast með því að skrá ykkur inn á Þjónustugátt Akureyrarbæjar og smella svo HÉR. 

Vinsamlegast athugið að nauðsynlegt er að skrá sig inn með rafrænum skilríkjum þess sem kemur til með að undirrita tilboðið rafrænt fyrir hönd fyrirtækisins.

Tilboðum í byggingarrétt lóðarinnar skal skila rafrænt á útboðsvef Akureyrarbæjar eigi síðar en kl. 12:00 fimmtudaginn 11. janúar 2024 og verða tilboð opnuð í Ráðhúsi Akureyrarbæjar kl. 14 sama dag í viðurvist þeirra bjóðenda sem þess óska.