Velferðarráð

Lagt fram til kynningar yfirlit yfir veitta fjárhagsaðstoð fyrstu 9 mánuði ársins.

Anna Marit Níelsdóttir forstöðumaður félagsþjónustu fjölskyldusviðs og Jón Heiðar Daðason húsnæðisfulltrúi sátu fundinn undir þessum lið.

Lagt fram til kynningar yfirlit yfir stöðu biðlista eftir leiguhúsnæði bæjarins í lok september 2017.

Anna Marit Níelsdóttir forstöðumaður félagsþjónustu fjölskyldusviðs og Jón Heiðar Daðason húsnæðisfulltrúi sátu fundinn undir þessum lið.

Rætt um úrræði fyrir einstaklinga með fjölþættan vanda.

Guðrún Sigurðardóttir sviðsstjóri fjölskyldusviðs, Anna Marit Níelsdóttir forstöðumaður félagsþjónustu fjölskyldusviðs og Jón Heiðar Daðason húsnæðisfulltrúi sátu fundinn undir þessum lið.

Lagt fram til kynningar erindi dagsett 10. ágúst 2017 frá Valgerði Guðmundsdóttur hdl. f.h. ættingja fyrrverandi íbúa á Öldrunarheimilum Akureyrar þar sem óskað er upplýsinga um verklagsreglur og önnur gögn er varða úthlutun á Hlíð þegar óskað er eftir dýralausu rými.

Halldór S. Guðmundsson framkvæmdastjóri Öldrunarheimila Akureyrar lagði fram og kynnti svarbréf Öldrunarheimila Akureyrar og upplýsingagjöf við beiðninni og einnig lokabréf lögmannsins að fengnu svari ÖA.

Lagt fram bréf dagsett 6. október 2017 frá Sjúkratryggingum Íslands þar sem leitað er upplýsinga um hvernig staðið er að framkvæmd þjálfunar einstaklinga sem koma til hvíldarinnlagna á Öldrunarheimili Akureyrar.

Halldór S. Guðmundsson framkvæmdastjóri ÖA lagði fram svarbréf sitt og stutta samantekt sem send var til Sjúkratrygginga Íslands.

Lögð fram til kynningar fundargerð 2. fundar Þjónustuhóps aldraðra sem haldinn var 12. september 2017.

Framkvæmdastjóri Öldrunarheimila Akureyrar, Halldór S. Guðmundsson, vakti máls á umræðu og framvindu verkefna á sviði velferðartækni. Sem hluti af markmiði Connect verkefnisins og samstarfs við velferðarsvið Reykjavíkur og velferðarráðuneytið, var Halldór með innlegg á málstofu á fjármálaráðstefnu sveitarfélaga þann 6. október 2017. Þá eru vinnuhópar á vegum fjölskyldusviðs, búsetusviðs og Öldrunarheimila Akureyrar og er ráðgert að halda reglulega stutta samráðs- og kynningarfundi á 2-3 vikna fresti í vetur. Markmið fundanna er að miðla og hvetja til samstarfs og eftirfylgdar verkefna sem eru í gangi eða á byrjunarreit.

Halldór greindi einnig frá áformum um framhald verkefna hjá ÖA svo sem Memaxi, samstarf við Símann um snjöll heimili og notkun tónlistar/spotify í iðju- og félagsstarfi svo nokkuð sé nefnt.

Framkvæmdastjóri Öldrunarheimila Akureyrar, Halldór S. Guðmundsson, greindi frá undirbúningi að stofnun Hollvinasamtaka ÖA sem áætlaður er 31. október 2017 kl. 16:00.

Áfram unnið að gerð velferðarstefnu.