Velferðarráð

Anna Lilja Björnsdóttir verkefnastjóri mætti á fund velferðarráðs undir þessum lið og kynnti vinnu við gerð velferðarstefnu.

Farið var yfir stöðu verkefna.

Lögð fram til kynningar rekstrarniðurstaða allra málaflokka velferðarráðs fyrir janúar til febrúar 2016.

Framkvæmdastjórar ráðsins kynntu tillögur til hagræðingar sbr. óskir þar um frá hagræðingarhópnum.

Lögð fram drög að samningum við Aflið, annars vegar samstarfssamningi og hins vegar húsaleigusamningi vegna afnota af Gudmanns Minde, Aðalstræti 14 á Akureyri.

Frestað frá síðast fundi.

Halldór Guðmundsson framkvæmdastjóri Öldrunarheimila Akureyrarbæjar kynnti tilrauna- og rannsóknarverkefni með Motitec, norsku fyrirtæki, um hjólaverkefni til aukinnar hreyfingar. Verkefnið er undir umsjón Ástu Þorsteinsdóttur sjúkraþjálfara. Í lok verkefnis fer fram mat á framhaldi og notkun þessa búnaðar innan ÖA.

Frestað frá síðasta fundi. Öldrunarheimili Akureyrarbæjar hlutu styrk frá heilbrigðisráðherra, til gæðaverkefnisins 'rafræn lyfjaumsýsla'. Bryndís Björg Þórhallsdóttir forstöðumaður Víði- og Furuhlíðar, sem stýrir verkefninu, veitti styrknum viðtöku í velferðarráðuneytinu þann 8. mars sl.

Lögð fram tilkynning um styrkinn dagsett 4. mars 2016 og samkomulag um styrk til gæðaverkefnis dagsett 8. mars 2016 en fjárhæðin kr. 500 þúsund er bundin verkefninu og að skila þurfti stuttri greinargerð um ráðstöfun styrksins.

Halldór Guðmundsson framkvæmdastjóri Öldrunarheimila Akureyrarbæjar og Lúðvík Freyr Sæmundsson rekstrarstjóri, gerðu grein fyrir athugasemdum embættis Tollstjóra vegna afgreiðslu umsókna Gjafasjóðs ÖA um endurgreiðslu á virðisaukaskatti. Athugasemdirnar varða að augljós fjárhagsleg tengsl séu milli gefanda og þiggjanda þar sem Akureyrarbær ráði yfir báðum aðilum.

Framkvæmdastjóri ÖA reifaði hugmyndir um breytingar á samþykktum sjóðsins, til að verða við fyrrgreindum ábendingum.

Halldór Guðmundsson framkvæmdastjóri Öldrunarheimila Akureyrarbæjar greindi frá samskiptum sínum og Samtaka fyrirtækja í velferðarþjónustu (SFV) við Sjúkratryggingar Íslands vegna breytinga á reikni-/talningu greiddra daggjalda. Fyrir ÖA getur umrædd breyting þýtt tæplega 10 milljón kr. tekjuskerðingu.

Lagt fram bréf SFV til SÍ þar sem ítarlega er farið yfir og mótmælt breyttu vinnulagi við framkvæmd daggjaldaútreikninga.

Lögð fyrir drög að ferðamálstefnu sem send var til velferðarráðs og beðið um ábendingar og athugasemdir.