Velferðarráð

Tryggvi Þórhallsson lögfræðingur hjá Sambandi íslenskra sveitarfélaga mætti á fundinn og kynnti skýrslu um niðurstöðu endurmats á yfirfærslu þjónustu við fatlað fólk frá ríki til sveitarfélaga.

Lagt fram til kynningar yfirlit yfir veitta fjárhagsaðstoð fyrstu tvo mánuði ársins 2016.

Snjólaug Jóhannesdóttir félagsráðgjafi kynnti áfrýjun í fjárhagsaðstoð.

Jón Heiðar Daðason húsnæðisfulltrúi og Anna Marit Níelsdóttir félagsráðgjafi kynntu áfrýjun í húsnæðismáli.

Soffía Lárusdóttir framkvæmdastjóri búsetudeildar og Laufey Þórðardóttir verkefnastjóri búsetudeildar kynntu áfrýjun í heimaþjónustu.

Vinna við velferðarstefnu rædd.

Anna Lilja Björnsdóttir verkefnastjóri sat fundinn undir þessum lið.

Rætt um mögulega hagræðingu í þeim málaflokkum sem heyra undir velferðarráð og tillögur til aðgerðarhóps um framtíðarrekstur.

Halldór Guðmundsson framkvæmdastjóri Öldrunarheimila Akureyrarbæjar kynnti tilrauna- og rannsóknaverkefni með Motitec, norsku fyrirtæki, um hjólaverkefni til aukinnar hreyfingar. Verkefnið er undir umsjón Ástu Þorsteinsdóttur sjúkraþjálfara. Í lok verkefnis fer fram mat á framhaldi og notkun þessa búnaðar innan ÖA.

Öldrunarheimili Akureyrarbæjar hlutu styrk frá heilbrigðisráðherra, til gæðaverkefnisins "rafræn lyfjaumsýsla". Bryndís Björg Þórhallsdóttir sem stýrir verkefninu, forstöðumaður Víði- og Furuhlíðar, veitti styrknum viðtöku í velferðarráðuneytinu þann 8. mars sl.

Lögð fram tilkynning um styrkinn dagsett 4. mars 2016 og samkomulag um styrk til gæðaverkefnis dagsett 8. mars 2016 en fjárhæðin kr. 500 þús. er bundin verkefninu og að skila þurfti stuttri greinargerð um ráðstöfun styrksins.