Umhverfisnefnd

Umhverfisnefnd leggur til að farið verði af stað með gerð samgönguáætlunar fyrir Akureyrarkaupstað. Jafnframt þakkar nefndin Rúnu fyrir áhugaverða kynningu og óskar eftir nánari upplýsingum um kostnað við áframhaldandi vinnu.

Umhverfisnefnd samþykkir að leita til Stefáns Gíslasonar umhverfisstjórnunarfræðings um áframhaldandi vinnu.

Umhverfisnefnd Akureyrar tekur undir bókun skipulagsnefndar Akureyrar frá 9.maí sl. og áréttar einnig mikilvægi þess að stuðst verði við þemu Staðardagskrár 21. Mikilvægt er að sjónræni umhverfisþátturinn verði ekki einn til viðmiðunar við ákvarðanatöku um að leggja háspennulínur í jörðu heldur fái vistfræðilegir þættir sem og samfélagslegir það vægi sem þeim ber. Að öðru leyti er vísað til greinargerðar sem fylgir með bókuninni.

Umhverfisnefnd vill af gefnu tilefni vekja athygli á að nýr landnemi á Akureyri, stari, er alfriðaður fugl og því alvarlegt brot á fuglaverndarlögum að eyðileggja hreiður og deyða unga hans.

Umhverfisnefnd vill beina því til allra er málið varðar að virða þessa friðun og láta fuglinn ljúka varpi og koma upp ungum og að því loknu þá grípa til fyrirbyggjandi aðgerða með því að loka fyrir aðgengi starans til hreiðurgerðar.