Lagning raflína í jörð

Málsnúmer 2012030264

Vakta málsnúmer

Umhverfisnefnd - 73. fundur - 08.05.2012

Helgi Már Pálsson bæjartæknifræðingur kynnti málið og lagði fram greinargerð dags. 30. apríl 2012 frá Eiríki Birni Björgvinssyni bæjarstjóra Akureyrarkaupstaðar og Jónasi Vigfússyni sveitarstjóra Eyjafjarðarsveitar til nefndar sem móta á stefnu um lagningu raflína í jörð.

Ólafur Kjartansson áheyrnarfulltrúi V-lista leggur fram eftirfarandi bókun:

Vegna umræðu um raforkuflutninga og lagnaleiðir tel ég mikilvægt að styðjast við þemu Staðardagskrár 21 og sjónræni umhverfisþátturinn verði ekki einn til viðmiðunar við ákvarðanatöku heldur fái aðrir vistfræðilegir þættir sem og samfélagslegir það vægi sem þeim ber.

Skipulagsnefnd - 137. fundur - 09.05.2012

Erindi dags. 23. mars 2012 frá iðnaðarráðuneytinu þar sem fram kemur að Alþingi hafi samþykkt þingsályktunartillögu þar sem iðnaðarráðherra í samráði við umhverfisráðherra er falið að skipa nefnd er móti stefnu um lagningu raflína í jörð og þau sjónarmið sem taka ber mið af hverju sinni við ákvarðanir þar um. Nefndin skal skila tillögum til iðnaðarráðherra fyrir 20. september 2012 og hvetur alla sem hagsmuna eiga að gæta og aðra sem áhuga hafa, til að kynna sér tillöguna og senda nefndinni athugasemdir og ábendingar sem varða mótun stefnu um raflínur í jörð. Frestur til að skila inn umsögnum og athugasemdum er til 18. maí 2012.

Skipulagsnefnd fagnar því að stofnuð hafi verið nefnd er móti stefnu um lagningu raflína í jörð sem nú eru ofanjarðar og þau sjónarmið sem taka beri mið af.
Skipulagsnefnd telur að sérstaklega beri að skoða aðstæður í og næst þéttbýli og alþjóðaflugvelli með það í huga að allar raflínur 220 kV og minni verði settar í jörð.

Að öðru leyti er vísað í meðfylgjandi greinargerð sem svar við erindinu.

Umhverfisnefnd - 74. fundur - 05.06.2012

Farið yfir málið að nýju.

Umhverfisnefnd Akureyrar tekur undir bókun skipulagsnefndar Akureyrar frá 9.maí sl. og áréttar einnig mikilvægi þess að stuðst verði við þemu Staðardagskrár 21. Mikilvægt er að sjónræni umhverfisþátturinn verði ekki einn til viðmiðunar við ákvarðanatöku um að leggja háspennulínur í jörðu heldur fái vistfræðilegir þættir sem og samfélagslegir það vægi sem þeim ber. Að öðru leyti er vísað til greinargerðar sem fylgir með bókuninni.