Stjórn Fasteigna Akureyrarbæjar

Lagt fram erindi frá Íbúðarlánasjóði til sveitarstjórnar dagsett 8. október 2015 þar sem sjóðurinn býður sveitarfélaginu til viðræðna um kaup á eignum sjóðsins í sveitarfélaginu.

Farið yfir þær upplýsingar sem liggja fyrir varðandi móttöku flóttamanna til Akureyrar og þau verkefni sem liggja fyrir hjá Fasteignum Akureyrarbæjar er það varðar.

Kynning á viðurkenningu fyrir gott aðgengi sem Fasteignum Akureyrarbæjar var afhent á alþjóðlega degi fatlaðra fimmtudaginn 3. desember sl.

Lögð fram til kynningar útboðsgögn vegna efniskaupa útboðs hjá Fasteignum Akureyrarbæjar.

Tekinn fyrir 3. og 5. liður úr fundargerð hverfisráðs Grímseyjar dagsett 2. september 2015:
3.
Nýverið fengum við höfnun á beiðni um sparkvöll í eyna. Það þykir okkur afar leitt þar sem íþróttaaðstaða í eynni er engin og útileikjaaðstaða fyrir börn af afar skornum skammti. Tvö mörk eru á bletti fyrir utan félagsheimilið en í miðjum þeim "velli" er niðurfall og boltar fjúka gjarnan niður í fjöru. Það vantar sárlega bætta útiaðstöðu til leikja.
5.
Félagsheimilið í eynni þarfnast yfirferðar. Til að mynda er dúkurinn í salnum ónýtur og vandamál í lögnum.

Eftirfarandi verkfundargerðir lagðar fram á fundinum:
Listasafn endurbætur: 6. og 7. fundur verkefnisliðs dagsettir 12. og 27. nóvember 2015.
NSK-ÍÞH: 9. og 10. verkfundur dagsettir 13. og 27. nóvember 2015.
Þ99 kjallari: 13.- 15. verkfundur dagsettir 9., 16. og 26. nóvember 2015.