Skólanefnd

Fyrir fundinn var lögð skýrsla um mat á starfi leikskólans Tröllaborga sem unnin var á vegum Námsmatsstofnunar fyrir mennta- og menningarmálaráðuneytið. Fanney Jónsdóttir mætti á fundinn og gerði grein fyrir niðurstöðum matsins og úrbótaáætlun sem unnin hefur verið.

Karl Frímannsson þróunarstjóri mætti á fundinn og fór ásamt Hrafnhildi Sigurðardóttur leikskólafulltrúa yfir skýrslu um álag og fjarveru í leikskólum Akureyrarbæjar, sem lögð var fram til kynningar á fundinum.

Erindi dags. 4. apríl 2014 þar sem skólastjóri Naustaskóla lagði fram tillögu að nýju stjórnskipulagi fyrir skólann frá og með 1. ágúst 2014.

Erindi dags. 3. apríl 2014 þar sem bæjarráð vísar erindi frá Birni Þórarinssyni, vegna reksturs Tónræktarinnar til skólanefndar. Í erindinu kemur fram að Björn mætti í viðtalstíma bæjarfulltrúa til að ræða málefni Tónræktarinnar sem verður 10 ára í ár. Björn er kominn á eftirlaun og ætlar að fara að hætta rekstrinum. Vill að bærinn skoði hvort hann vill koma að framhaldinu á rekstrinum eftir hans tíma. Segir þannig fyrirkomulag vera þekkt t.d. á Selfossi og í Reykjavík.
Hugmyndin er sú að bærinn myndi greiða laun eins starfsmanns og þá væri hægt að nota skólagjöldin í annan rekstur.
Hann fær kr. 750.000 frá bænum í reksturinn í dag.

Fyrir fundinum lá tillaga um að uppskeruhátíð skólanefndar, þar sem viðurkenningar verða afhentar fyrir framúrskarandi skólastarf, verði haldin þriðjudaginn 13. maí nk. í Hofi.