- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Framkvæmdir
- Tímabókanir
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fjármál og tölfræði
- Fyrir fjölmiðla
- Sveitarstjórnarkosningar 2022
- Mannlíf
- Þjónustugátt
- Fréttir
- Persónuverndarstefna Akureyrarbæjar
Skólanefnd
Dagskrá
Karl Frímannsson sat fundinn sem gestur.
1.Tónlistarskólinn á Akureyri - gjaldskrá og innheimtumál
Málsnúmer 2012050028Vakta málsnúmer
Á fundinn mættu skólastjórnendur Tónlistarskólans á Akureyri, Hjörleifur Örn Jónsson og Kolbrún Jónsdóttir, samanber bókun á síðasta fundi skólanefndar og færðu frekari rökstuðning fyrir tillögu sinni um breytingar á gjaldskrá skólans.
Skólanefnd samþykkir að vísa tillögunni til vinnu við gerð fjárhagsáætlunar 2013 og þá fari einnig fram umræða um grundvallarforsendur gjaldskrár Tónlistarskólans á Akureyri.
2.Tónlistarskólinn á Akureyri - skipulagsbreytingar
Málsnúmer 2012050027Vakta málsnúmer
Fyrir fundinn voru lagðar tillögur að viðmiðunarreglum vegna nemenda sem fá að stunda nám á tvö hljóðfæri, samanber bókun skólanefndar á fundi þann 4. maí sl.
Skólanefnd samþykkir fyrirliggjandi tillögu samhljóða.
3.Sameinaður leikskóli - Pálmholt og Flúðir
Málsnúmer 2012050019Vakta málsnúmer
Fyrir fundinn var lögð tillaga fræðslustjóra um að ráða Ernu Rós Ingvarsdóttur í starf leikskólastjóra við sameinaðan leikskóla Flúða og Pálmholts. Erna Rós mætti í ítarlegt viðtal með fræðslustjóra, leikskólafulltrúa og kjörnum fulltrúum í skólanefnd miðvikudaginn 30. maí sl.
Skólanefnd samþykkir tillöguna samhljóða.
4.Leikskólinn Síðusel - Holtakot
Málsnúmer 2012060010Vakta málsnúmer
Í samræmi við samþykkt skólanefndar og bæjarstjórnar um stjórnkerfisbreytingar í skólum Akureyrarbæjar frá því fyrr á þessu ári verða leikskólarnir Síðusel og Holtakot sameinaðir undir eina stjórn þar sem Sigríður Gísladóttir leikskólastjóri Holtakots hefur ákveðið að láta af störfum. Samkomulag hefur náðst við Snjólaugu Pálsdóttur leikskólastjóra í Síðuseli um að verða skólastjóri og þær Guðrúnu Hafdísi Óðinsdóttur og Sólrúnu Eyfjörð Torfadóttur um að verða aðstoðarskólastjórar, en þær hafa setið í þeirri stöðu í sitt hvorum skólanum til þessa.
Lagt fram til kynningar.
Lagt fram til kynningar.
5.Fjölskyldustefna Akureyrarbæjar - endurskoðun
Málsnúmer 2008080068Vakta málsnúmer
Umræður um endurskoðun fjölskyldustefnu Akureyrarbæjar. Anna Sjöfn Jónasdóttir fulltrúi skólanefndar í vinnuhópi um endurskoðun fjölskyldustefnu kynnti vinnu hópsins.
Skólanefnd þakkar Önnu Sjöfn Jónasdóttur fyrir kynninguna.
6.Hlíðarskóli - umræður um stöðu skólans
Málsnúmer 2012060003Vakta málsnúmer
Erindi dags. 22. apríl 2012 frá Bryndísi Valgarðsdóttur skólastjóra í Hlíðarskóla, þar sem reifuð er saga skólans, staða hans í dag dregin upp og óskað eftir viðræðum um svigrúm skólans til áframhaldandi þróunar og hvað gera beri í ljósi þróunar síðustu missera í eftirspurn eftir skólavist og þá einnig með hliðsjón af húsnæði og þróun þess.
Skólanefnd felur fræðslustjóra í samráði við skólastjóra Hlíðarskóla, að greina betur þarfir skólans fyrir breytingar á aðstöðu og viðbætur með hliðsjón af óskum sem fram koma í erindinu.
7.Móttaka innflytjenda á skólaaldri í grunnskóla Akureyrarbæjar
Málsnúmer 2012050018Vakta málsnúmer
Fyrir fundinn var lögð tillaga um að staða ráðgjafa sem fjallað er um í skýrslu sem lögð var fyrir síðasta fund, verði staðsett á skóladeild. Tillagan kemur fram í kjölfar umræðna á fundi með skólastjórum grunnskólanna.
Skólanefnd samþykkir tillöguna samhljóða.
8.Skólaakstur í grunnskóla
Málsnúmer 2012010250Vakta málsnúmer
Fyrir fundinn voru lögð tilboð í skólaakstur fyrir grunnskóla Akureyrar en tilboðin voru opnuð miðvikudaginn 30. maí sl.
Skólanefnd samþykkir samhljóða að fela fræðslustjóra og bæjarstjóra að ganga frá málinu með hliðsjón af umræðum á fundinum og áliti lögfræðinga þegar það liggur fyrir.
Fundi slitið - kl. 15:34.
