Skólanefnd

33. fundur 21. nóvember 2011 kl. 14:00 - 16:12 Fundarsalur á 2. hæð í Glerárgötu 26
Nefndarmenn
  • Sigurveig S. Bergsteinsdóttir formaður
  • Preben Jón Pétursson
  • Helgi Vilberg Hermannsson
  • Logi Már Einarsson
  • Tryggvi Þór Gunnarsson
Starfsmenn
  • Hrafnhildur G Sigurðardóttir leikskólafulltrúi
  • Gunnar Gíslason fræðslustjóri ritaði fundargerð
Dagskrá

1.Fjárhagsáætlun 2011 - endurskoðun - fræðslu- og uppeldismál

Málsnúmer 2011090079Vakta málsnúmer

Fyrir fundinn var lögð tillaga að skiptingu á þeim 10 milljónum sem skólanefnd fékk til ráðstöfunar vegna góðs reksturs á árinu 2010. Lagt var til að fjárhæðinni yrði skipt milli leik- og grunnskóla í réttu hlutfalli við fjölda barna/nemenda skólaárið 2010-2011.

Skólanefnd samþykkir tillöguna með þeim skilyrðum að fjárhæðin verði nýtt í hverjum skóla þannig að nemendur njóti góðs af og að tillögur skólastjóra um nýtingu verði bornar undir foreldraráð í leikskólum og skólaráð í grunnskólum. Skólanefnd óskar eftir yfirliti frá hverjum skóla um það hvernig fjármunirnir verða nýttir.

2.Fjölskyldustefna Akureyrarbæjar - endurskoðun

Málsnúmer 2008080068Vakta málsnúmer

Bæjarráð hefur á fundi sínum 23. júní sl. falið samfélags- og mannréttindaráði að meta hvort markmiðum Fjölskyldustefnu Akureyrarbæjar er nú þegar mætt í öðrum stefnum bæjarins eða hvort ástæða sé til að endurskoða stefnuna. Rætt var um stofnun vinnuhóps.
Samfélags- og mannréttindaráð samþykkir að stofna vinnuhóp um mat á fjölskyldustefnu. Fulltrúar ráðsins verða Heimir Haraldsson sem verður formaður hópsins og Guðlaug Kristinsdóttir. Óskað er eftir tilnefningum frá félagsmálaráði, framkvæmdaráði, íþróttaráði, skipulagsnefnd, skólanefnd, stjórn Akureyrarstofu og umhverfisnefnd.

Skólanefnd samþykkir að tilnefna Sigurveigu S. Bergsteinsdóttur formann skólanefndar í vinnuhópinn.

3.Grunnskólinn í Grímsey - ósk um mötuneyti

Málsnúmer 2011110083Vakta málsnúmer

Erindi dags. 8. nóvember 2011 frá foreldrum og forráðamönnum nemenda í Grunnskólanum í Grímsey þar sem eindregið er óskað eftir því að sett verði upp mötuneyti við skólann.

Skólanefnd samþykkir að fela skóladeild að gera áætlun um rekstur skólamötuneytis í Grímseyjarskóla og leggja fyrir nefndina.

4.Leikskólinn í Grímsey - ósk um lengri opnunartíma

Málsnúmer 2011110081Vakta málsnúmer

Erindi dags. 8. nóvember 2011 frá fjórum foreldrum nemenda á leikskóladeild Grímseyjarskóla þar sem óskað er eftir lengri opnun leikskólans. Fram kom á fundinum að kostnaður við þessa breytingu er áætlaður um 1.100.000 kr. á ársgrundvelli.

Skólanefnd samþykkir framkomna ósk fyrir sitt leyti og vísar erindinu til bæjarráðs.

5.Starfsáætlanir skóla 2011-2012

Málsnúmer 2011040147Vakta málsnúmer

Erindi dags. 17. nóvember 2011 frá Eyrúnu Skúladóttur skólastjóra Glerárskóla þar sem hún óskar eftir breytingu á skóladagatali Glerárskóla fyrir skólaárið 2011-2012. Óskað er eftir því að færa skólaslit sem vera eiga 4. júní til 1. júní og vera með tvöföld skólaslit þann dag. Skólaráð Glerárskóla hefur fjallað um þessa ósk og samþykkt hana. Ástæða þessarar óskar er fyrirhuguð náms- og kynnisferð starfsmanna til Ítalíu dagana 2.- 9. júní 2012.

Skólanefnd samþykkir erindið.

6.Leiga húsnæðis grunnskóla og æskulýðs- og íþróttamannvirkja til gistihópa

Málsnúmer 2011110096Vakta málsnúmer

Fyrir fundinn voru lagðar reglur um leigu húsnæðis grunnskóla og æskulýðs- og íþróttamannvirkja til endurskoðunar, en þessar reglur voru síðast endurskoðaðar árið 2008.

Skólanefnd samþykkir að stofna vinnuhóp til að endurskoða reglurnar og að hópurinn verði þannig skipaður að í honum eigi skólanefnd, íþróttaráð, samfélags- og mannréttindaráð, Akureyrarstofa, skólastjórar grunnskóla og ÍBA fulltrúa. Skólanefnd samþykkir að fulltrúi nefndarinnar verði Preben Jón Pétursson og verður hann formaður vinnuhópsins.

7.Verklagsreglur um auglýsingar

Málsnúmer 2011110095Vakta málsnúmer

Fyrir fundinn voru lagðar verklagsreglur um auglýsingar í skólum, til endurskoðunar og umfjöllunar.

Skólanefnd samþykkir að óska eftir umsögn um verklagsreglurnar frá skólastjórum leik- og grunnskóla, stjórn ÍBA og stjórn Samtaka.

8.Skólavogin - kynning

Málsnúmer 2011020093Vakta málsnúmer

Lagður fram til kynningar tölvupóstur dags. 15. nóvember 2011 frá Valgerði Freyju Ágústsdóttur, þar sem fram kemur að Samband íslenskra sveitarfélaga hefur samið við Skólapúlsinn ehf um samstarf vegna Skólavogarinnar. Þá kemur fram að hætt hefur verið við fyrirhugað samstarf við Norðmenn vegna Skólavogarinnar og skiptir miklu hér hve kostnaðurinn við samstarfið við Norðmenn hefði orðið mikill.

9.Reglugerð um ábyrgð og skyldur aðila skólasamfélagsins í grunnskólum nr. 1040/2011

Málsnúmer 2011110047Vakta málsnúmer

Fyrir fundinn var lögð til kynningar og umræðu reglugerð um ábyrgð og skyldur aðila skólasamfélagsins í grunnskólum.

Fundi slitið - kl. 16:12.