Skólanefnd

Katrín Björg Ríkarðsdóttir jafnréttisfulltrúi mætti á fundinn og lagði fram tillögu að verkefni í jafnréttisstefnu Akureyrarbæjar sem snýr að skólunum og skólastjórum og fræðslustjóra er ætlað að bera ábyrgð á.

Sesselja Sigurðardóttir leikskólaráðgjafi og Sigurbjörg Rún Jónsdóttir verkefnastjóri mættu á fundinn undir þessum lið og fóru yfir stöðuna.
Í byrjun september eru 40 dagforeldrar starfandi. Eitt dagforeldri kemur úr veikindaleyfi í byrjun október og verið er að vinna við leyfisveitingu fyrir eitt dagforeldri. Þegar það verður búið verða dagforeldrar 42 og barnafjöldi hjá þeim 200 börn.
Dagforeldrar á fyrsta starfsári mega hafa fjögur börn, en eftir að fyrsta starfsári lýkur og allt hefur gengið vel, er leyfilegt að fjölga í fimm börn. Nú er staðan sú hér á Akureyri að eftirspurn eftir daggæslu er mun meiri en framboð hæfra dagforeldra. Því var gripið til þess ráðs að fjölga börnum í fimm hjá þeim dagforeldrum sem fengu leyfi í janúar sl. Þeir hafa því fengið inn fimmta barnið fjórum mánuðum fyrr en gert var ráð fyrir eða sex börn í heildina.
Öll pláss í daggæslu eru nú setin og á biðlista á skóladeild eru sjö foreldrar sem óska eftir daggæslu sem fyrst og einnig eru á lista tíu foreldrar sem óska eftir daggæslu um áramót eða síðar.

Farið var yfir helstu atriði í kjarasamningum Félags leikskólakennara, Félags stjórnenda í leikskólum og félagsmanna Einigar-Iðju í leikskólum.

Lagt var fram 8 mánaða uppgjör yfir rekstur málaflokksins á árinu og sérstakt yfirlit yfir skólaakstur. Þá var farið yfir helstu atriði sem snúa að endurskoðun áætlunar 2011 með hliðsjón af fyrri áætlunum um hagræðingu á árinu.

Farið yfir stöðu mála í sérkennslu í leikskólum eins og hún liggur nú fyrir.

Lagður fram til kynningar tölvupóstur dags. 8. september 2011 frá Sambandi íslenskra sveitarfélaga, þar sem tilkynnt er að svarfrestur sveitarfélaga um þátttöku í Skólavoginni er framlengdur til 15. desember 2011.

Fyrir fundinn var lagður sá samningur dags. 25. ágúst 2011 sem formaður og fræðslustjóri gerðu við Hollvinafélag Húna II á grundvelli umræðna um málið í skólanefnd í ágúst 2011.

Tölvupóstur dags. 24. ágúst 2011 frá Söndru Rebekku Dudziak, þar sem hún bendir á meint misræmi í reglum um afsláttargjöld þegar foreldrar eru í námi og/eða atvinnulausir.