Skólanefnd

Fyrir fundinn var lögð fram til kynningar greinargerð sem óformlegur vinnuhópur mennta- og menningarmálaráðuneytisins og Sambands íslenskra sveitarfélaga hefur tekið saman um greiningu á kostnaði við rekstur grunnskóla og samanburð við ríki OECD.
Þá voru lögð fram til kynningar viðbrögð Kennarasambands Íslands við áðurnefndri greinargerð.

Þórhildur Helga Þorleifsdóttir skólastjóri Lundarskóla hefur fengið úthlutað 100% námslaunum frá Verkefna- og námsstyrkjasjóði Félags grunnskólakennara og Skólastjórafélags Íslands til að stunda 60 ects eininga nám sem lýkur með mastersgráðu í stjórnun. Því hefur hún óskað eftir leyfi frá starfi skólastjóra Lundarskóla skólaárið 2011-2012.

Fyrir fundinn var lögð tillaga að fyrirkomulagi og dagsetningum varðandi skólaval grunnskóla árið 2011.

Fyrir fundinn voru lagðar til kynningar og umræðu fyrstu tillögur að starfsáætlun skólanefndar fyrir árið 2011.