Skipulagsráð

Lagt fram erindi Slippsins á Akureyri dagsett 24. maí 2022 þar sem ítrekuð er beiðni um að lóðir nr. 7 og 9 við Norðurtanga verði sameinaðar athafnasvæði Slippsins ásamt hafnarsvæði þar norðan og austan við. Málið var áður á dagskrá skipulagsráðs 23. júní og 25. ágúst 2021.

Lagt fram erindi THG arkitekta dagsett 9. júní 2022 f.h. lóðarhafa Austurbrúar 10-18 og Hafnarstrætis 80 þar sem óskað er eftir að gerðar verði eftirfarandi breytingar á deiliskipulagi svæðisins:

1. Afmarkaðar eru tvær lóðir fyrir djúpgáma austan við Austurbrú 10-18 sem felur í sér fækkun um 5 bílastæði.

2. Bílastæði norðan við Austurbrú 10-14 verða skásett og er fækkað um 5, úr 13 stæðum í 8 stæði.

3. Nyrsti hluti Hafnarstrætis 80 verður á fjórum hæðum þar sem tvær íbúðir verða á tveimur hæðum. Nýtingarhlutfall hækkar úr 2,06 í 2,24. Engin breyting verður á hámarkshæð hússins þrátt fyrir fjölgun hæða í hluta hússins.

4. Lóð Hafnarstrætis 80 stækkar til suðurs um 49 m².

Erindi dagsett 13. maí 2022 þar sem Ragnar Freyr Guðmundsson f.h. Ágústs Leifssonar sækir um breytingu á deiliskipulagi fyrir hús nr. 11 við Oddagötu. Fyrirhugað er að byggja bílgeymslu.

Meðfylgjandi er skipulagsuppdráttur.

Erindi dagsett 20. maí 2022 þar sem Björn Guðbrandsson f.h. Eikar fasteignafélags hf. sækir um breytingu á deiliskipulagi á lóð Gleráreyra 1. Fyrirhugað er að stækka byggingarreit til suðausturs um 10,5 - 85 m fyrir viðbyggingu á 1 - 2 hæðum fyrir verslun og þjónustu. Jafnframt lækkar bílastæðakrafa úr einu bílastæði per m² í eitt stæði per 40 m² þannig að bílastæðum fækkar úr 632 stæðum í 545 stæði. Nýtingarhlutfall eykst ekki. Meðfylgjandi er tillaga að deiliskipulagsbreytingu.

Áform lóðarhafa Nonnahaga 5 um stækkun byggingarreits voru grenndarkynnt þann 1. júní sl. Ein athugasemd barst og er hún lögð fram nú ásamt viðbrögðum umsækjanda við efni athugasemdar.

Allt frá árinu 2019 hefur verið unnið að því skoða hvernig standa megi að uppbyggingu á lóðunum Norðurgötu 5-7 og enduruppbyggingu lóðarinnar Norðurgötu 3. Að mati skipulagsráðs hefur ein meginforsenda málsins verið að spennistöð á svæðinu verði fjarlægð og ný stöð byggð í stað hennar á öðrum stað. Nú hefur tekið gildi deiliskipulagsbreyting fyrir nýja spennistöðvarlóð við Strandgötu og er því hægt að hefja undirbúning að niðurrifi núverandi spennistöðvar í samráði við Norðurorku og jafnframt hefja undirbúning að byggingu nýrrar stöðvar.

Erindi dagsett 6. júní 2022 þar sem Grétar Jónsson og Katarina Raker leggja inn fyrirspurn varðandi stækkun lóðar nr. 6 við Lækjargötu samkvæmt meðfylgjandi skýringarmynd.

Erindi dagsett 3. júní 2022 þar sem Stefán Þór Jósefsson leggur inn fyrirspurn varðandi byggingu bílgeymslu og stækkun lóðar nr. 13 við Aðalstræti. Bílgeymsla er fyrirhuguð 36 m², 6 m á breidd, 7 m á lengd, byggð úr timbri á steyptum grunni með tvíhalla þaki. Bílgeymslan yrði staðsett á lóðarmörkum. Óskað er eftir lóðarstækkun að botnlanga.

Lagt fram erindi Gígju Rutar Ívarsdóttur dagsett 11. apríl 2022 þar sem óskað er eftir stækkun lóðarinnar Klettagerðis 5 til norðurs til að hægt verði að byggja 15 m² skúr norðan við núverandi bílskúr.

Lagt fram erindi Hildigunnar Rutar Jónsdóttur dagsett 10. júní 2022 f.h. umhverfis- og mannvirkjasviðs Akureyrarbæjar um heimild til að nýta tvö bílastæði í Hafnarstræti til annarra nota en sem bílastæði frá miðjum júní til loka september 2022. Um er að ræða bílastæði neðan við leiksvæði í Skátagili. Markmiðið er að skapa betri tengsl við leiksvæðið og auka öryggi gangandi vegfarenda á meðan gatan er lokuð fyrir bílaumferð.

Erindi dagsett 30. maí 2022 þar sem eigendur Bjarmastígs 10 og Hafnarstrætis 107B sækja um að fá að breyta lóðamörkum. Samkomulag hefur náðst um stækkun lóðarinnar Hafnarstrætis 107B og minnkun lóðarinnar Bjarmastígs 10. Meðfylgjandi er skýringarmynd.


Halla Björk Reynisdóttir L-lista bar upp vanhæfi við afgreiðslu málsins og var það samþykkt. Vék hún af fundi undir umræðum og við afgreiðslu máls.

Erindi dagsett 3. júní 2022 þar sem Tengir hf. sækir um framkvæmdaleyfi fyrir lagningu ljósleiðara á Oddeyri, Brekkunni, í Frostagötu, Hamragerði, Hafnarstræti, Lyngholti, Löngumýri og Miðhúsabraut. Meðfylgjandi eru skýringarmyndir.

Erindi húsfélags Skarðshlíðar 40 dagsett 6. júní 2022 þar sem lagður er fram undirskriftalisti íbúa vegna hávaðamengunar frá þungaflutningum um Hörgárbraut.

Erindi dagsett 16. maí 2022 þar sem Sigurbjörg Jóna Ludvigsdóttir sækir um lóð nr. 6 við Búðartanga í Hrísey. Meðfylgjandi er yfirlýsing viðskiptabanka og greinargerð um byggingaráform.

Lögð fram fundargerð Svæðisskipulagsnefndar Eyjafjarðar 2018-2022 frá 3. maí 2022 ásamt uppfærðum starfsreglum sem samþykktar voru á umræddum fundi. Er lagt til að aðildarsveitarfélög samþykki nýjar starfsreglur við fyrsta tækifæri. Er um að ræða minniháttar breytingar frá reglum sem samþykktar voru í skipulagsráði 4. maí og bæjarstjórn 10. maí sl.

Lögð fram til kynningar fundargerð 864. fundar, dagsett 19. maí 2022, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.

Lögð fram til kynningar fundargerð 865. fundar, dagsett 27. maí 2022, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.

Lögð fram til kynningar fundargerð 866. fundar, dagsett 2. júní 2022, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.

Lögð fram til kynningar fundargerð 867. fundar, dagsett 9. júní 2022, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.