Austurbrú 10-18 og Hafnarstræti 80 - breyting á deiliskipulagi

Málsnúmer 2022060553

Vakta málsnúmer

Skipulagsráð - 383. fundur - 15.06.2022

Lagt fram erindi THG arkitekta dagsett 9. júní 2022 f.h. lóðarhafa Austurbrúar 10-18 og Hafnarstrætis 80 þar sem óskað er eftir að gerðar verði eftirfarandi breytingar á deiliskipulagi svæðisins:

1. Afmarkaðar eru tvær lóðir fyrir djúpgáma austan við Austurbrú 10-18 sem felur í sér fækkun um 5 bílastæði.

2. Bílastæði norðan við Austurbrú 10-14 verða skásett og er fækkað um 5, úr 13 stæðum í 8 stæði.

3. Nyrsti hluti Hafnarstrætis 80 verður á fjórum hæðum þar sem tvær íbúðir verða á tveimur hæðum. Nýtingarhlutfall hækkar úr 2,06 í 2,24. Engin breyting verður á hámarkshæð hússins þrátt fyrir fjölgun hæða í hluta hússins.

4. Lóð Hafnarstrætis 80 stækkar til suðurs um 49 m².
Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna þar sem breytingin hefur ekki áhrif á aðra en lóðarhafa og Akureyrarbæ. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.