Samfélags- og mannréttindaráð

Andrea Sigrún Hjálmsdóttir félagsfræðingur við Rannsóknasetur forvarna við Háskólann á Akureyri kynnti rannsóknir um vímuefnaneyslu unglinga og heilsu og lífskjör skólanema.
Gréta Kristjánsdóttir forvarnafulltrúi sat fundinn undir þessum lið.

Lagt fram til kynningar yfirlit yfir forvarnafræðslu sem boðið verður upp á í grunnskólum bæjarins í vetur.
Gréta Kristjánsdóttir forvarnafulltrúi sat fundinn undir þessum lið.

Lögð fram til kynningar skýrsla um stöðu verkefna í Jafnréttisstefnu Akureyrarbæjar. Skýrslan hefur verið send til Jafnréttisstofu.

Lögð fram tillaga að tilraunaverkefni í kynjaðri fjárhagsáætlanagerð sem snýst um úttekt á handverksmiðstöðinni Punktinum.

Áframhaldandi umræður um veitingu viðurkenninga til þeirra sem skara fram úr í æskulýðs- og tómstundastarfi.

Dagana 25. nóvember til 10. desember nk. mun samfélags- og mannréttindaráð ásamt fleirum taka þátt í alþjóðlegu 16 daga átaki gegn kynbundnu ofbeldi. Yfirskrift átaksins er "heimilisfriður - heimsfriður". Drög að dagskrá kynnt.

Lagður fram til kynningar tölvupóstur dags. 1. nóvember 2012 frá mennta- og menningarmálaráðuneytinu þar sem vakin er athygli á degi gegn einelti 8. nóvember og fólk hvatt til að undirrita þjóðarsáttmála á heimasíðunni www.gegneinelti.is.