Samfélags- og mannréttindaráð

Staða forvarnamála yfirfarin.
Gréta Kristjánsdóttir umsjónarmaður forvarna sat fundinn undir þessum lið.

Ályktun SAMAN-hópsins vegna skemmtana fyrir unglinga undir lögaldri á veitingastöðum lögð fram til kynningar. SAMAN-hópurinn lýsir yfir áhyggjum af endurteknum unglingaskemmtunum á vegum einkaaðila fyrir börn undir lögaldri á vínveitingahúsum og vill hvetja forsvarsmenn sveitarfélaga til að móta sér stefnu í slíkum málum.
Gréta Kristjánsdóttir umsjónarmaður forvarna sat fundinn undir þessum lið.

Farið yfir niðurstöður Fjölmenningarþings sem haldið var á vegum Alþjóðastofu Akureyrarbæjar 27. nóvember sl. en þangað var boðið bæjarbúum af erlendum uppruna. Tilgangur þingsins var að safna upplýsingum um hvernig bæta megi þjónustu í þessum málaflokki.
Guðrún Blöndal verkefnisstjóri fjölmenningarmála sat fundinn undir þessum lið.

Farið yfir áður samþykkt drög að fjárhagsáætlun fyrir árið 2011 fyrir þá málaflokka sem heyra undir samfélags- og mannréttindaráð með hliðsjón af umræðum frá fundi bæjarráðs 27. nóvember sl.
Alfa Aradóttir forstöðumaður forvarna- og æskulýðsmála og Bergljót Jónasdóttir forstöðumaður tómstundamála sátu fundinn undir þessum lið.

Lögð fram tillaga frá vinnuhópi um þróun á Menntasmiðju unga fólksins. Vinnuhópurinn var stofnaður á vegum samfélags- og mannréttindaráðs í ágúst sl. Tillagan felur í sér breytt fyrirkomulag á þjónustu við ungt fólk í vanda.
Alfa Aradóttir forstöðumaður forvarna- og æskulýðsmála og Bergljót Jónasdóttir forstöðumaður tómstundamála sátu fundinn undir þessum lið.

Rætt um þátttöku samfélags- og mannréttindaráðs í útifundi vegna 16 daga átaks gegn kynbundnu ofbeldi. Að fundinum standa einnig Jafnréttisstofa og ýmis samtök kvenna á Akureyri.