Hafnarstræti 73 og 75 - umsókn um breytingu á deiliskipulagi

Erindi dagsett 25. apríl 2023 þar sem Ómar Ívarsson f.h. Hótels Akureyrar ehf. sækir um breytingu á deiliskipulagi fyrir lóðir nr. 73 og 75 við Hafnarstræti.

Fyrirhugað er að reisa hótelbyggingu á lóð nr. 75 og tengja hana við núverandi hús á lóð nr. 73 með tengibyggingu.

Meðfylgjandi eru skýringarmynd og greinargerð.

Erindi dagsett 5. október 2023 þar sem Haraldur Sigmar Árnason f.h. Hótels Akureyrar ehf. sækir um heimild til að reisa fimm hæða hús á lóð nr. 75 við Hafnarstræti ásamt því að sækja um heimild til hækkunar á húsi á lóð nr. 73 upp í fimm hæðir.

Meðfylgjandi eru þrívíddar- og skuggavarpsmyndir.

Lögð tillaga að breytingu á deiliskipulagi sem nær til Hafnarstrætis 73-75 og felur í sér að lóðirnar verði sameinaðar og gert ráð fyrir að núverandi bygging á lóð 73 verði 5 hæðir í stað 3,5 hæða og það tengt með nýrri 5 hæða byggingu á lóð 75. Er gert ráð fyrir hótelstarfsemi í byggingunum. Drög að deiliskipulagi voru kynnt skv. 4. mgr. 40. gr. skipulagslaga nr. 123/2010 þann 6. desember. Engar athugasemdir bárust en fyrir liggja viðbrögð Minjastofnunar í tölvupósti dagsettum 20. desember 2023.

Lögð fram að nýju tillaga að breytingu á deiliskipulagi sem nær til Hafnarstrætis 73-75 og felur í sér að lóðirnar verði sameinaðar og gert ráð fyrir að núverandi bygging verði 5 hæðir í stað 3,5 hæða og það tengt með nýrri 5 hæða byggingu á lóð 75. Vinnslutillaga var kynnt skv. 4. mgr. 40. gr. skipulagslaga í desember 2023 og var málið í kjölfarið á dagskrá skipulagsráðs 10. janúar 2024. Var afgreiðslu málsins þá frestað þar til fyrir lægu viðbrögð umsækjenda við umsögn Minjastofnunar Íslands.


Eins og fram kemur í meðfylgjandi gögnum hefur verið í gangi samráð við Minjastofnun um útfærslu sem gerir ekki athugasemd við áframhald málsins.

Liður 7 í fundargerð skipulagsráðs dagsettri 12. júní 2024:

Lögð fram að nýju tillaga að breytingu á deiliskipulagi sem nær til Hafnarstrætis 73-75 og felur í sér að lóðirnar verði sameinaðar og gert ráð fyrir að núverandi bygging verði 5 hæðir í stað 3,5 hæða og það tengt með nýrri 5 hæða byggingu á lóð 75. Vinnslutillaga var kynnt skv. 4. mgr. 40. gr. skipulagslaga í desember 2023 og var málið í kjölfarið á dagskrá skipulagsráðs 10. janúar 2024. Var afgreiðslu málsins þá frestað þar til fyrir lægu viðbrögð umsækjenda við umsögn Minjastofnunar Íslands.

Eins og fram kemur í meðfylgjandi gögnum hefur verið í gangi samráð við Minjastofnun um útfærslu sem gerir ekki athugasemd við áframhald málsins.

Skipulagsráð tekur jákvætt í erindið og leggur til við bæjarstjórn að breyting á deiliskipulagi til samræmis við fyrirliggjandi gögn verði auglýst skv. 41. gr. skipulagslaga nr. 123/2010.

Halla Björk Reynisdóttir kynnti.